இ.டி. சோதனை சட்டவிரோதமானது அல்ல: டாஸ்மாக் வழக்கில் ஐகோர்ட் அதிரடி தீர்ப்பு!

நள்ளிரவு சோதனை நடத்தியபோது ஊழியர்களை வீட்டுக்கு அனுப்பியதை ஏற்க முடியாது'' என நீதிபதிகள் தெரிவித்தனர். அதுமட்டுமின்றி, சோதனை அடிப்படையில் தொடர்ந்து விசாரணை நடத்த அமலாக்கத்துறைக்கு உயர்நீதிமன்றம் அனுமதி அளித்துள்ளது.

தமிழ்நாடு அரசு மீது நீதிமன்றம் அதிருப்தி!

டாஸ்மாக் நிறுவனத்தின் பெண் அதிகாரிகள் மற்றும் ஊழியர்களை கேடயமாகப் பயன்படுத்தி, அமலாக்கத்துறை விசாரணையை தமிழ்நாடு அரசு தடுக்க முயல்கிறது. கட்டாயப்படுத்தி கையெத்து பெற்றார்கள், வலுக்கட்டாயமாக ஆவணங்கள் பறிமுதல் செய்யப்பட்டன போன்ற ஆதாரமற்ற குற்றச்சாட்டுகளை ஏற்க முடியாது. தங்கள் அடிப்படை உரிமைகள் பாதிக்கப்பட்டிருந்தால், தனிப்பட்ட அதிகாரிகள் வழக்கு தாக்கல் செய்யலாம். தமிழ்நாடு அரசும், டாஸ்மாக் நிர்வாகமும் ஏன் வழக்கு தாக்கல் செய்தன? என்று நீதிபதிகள் கேள்வி எழுப்பினர். அமலாக்கத்துறை விசாரணைக்கு பாதிப்பு ஏற்படுத்தும் வகையில், இந்த வழக்கு தாக்கல் செய்யப்பட்டுள்ளதோ என்ற கேள்வி எழுகிறது. கூட்டாட்சி தத்துவத்தை மக்களின் மேம்பாட்டிற்கு பயன்படுத்த வேண்டுமே தவிர தேசத்திற்கு எதிரான குற்றம் குறித்த விசாரணையை தடுக்க பயன்படுத்தக் கூடாது என்று நீதிபதிகள் கூறினர்.