scorecardresearch

ரூ. 27.9 கோடி லஞ்சம் பெற்றதாக அதிமுக முன்னாள் அமைச்சர் மீது குற்றச்சாட்டு; அறப்போர் இயக்கம் புகார்

முன்னாள் அமைச்சரும் அதிமுக துணை ஒருங்கிணைப்பாளருமான ஆர். வைத்திலிங்கம் மீது தனியார் கட்டுமான நிறுவனத்திடம் கட்டிட அனுமதி வழங்குவதற்காக ரூ. 27.9 கோடி லஞ்சம் பெற்றதாக ஊழல் எதிர்ப்பு தன்னார்வ தொண்டு நிறுவனமான அறப்போர் இயக்கம் அம்பலப்படுத்தியுள்ளது.

ரூ. 27.9 கோடி லஞ்சம் பெற்றதாக அதிமுக முன்னாள் அமைச்சர் மீது குற்றச்சாட்டு; அறப்போர் இயக்கம் புகார்

முன்னாள் வீட்டுவசதித்துறை அமைச்சரும், அதிமுகவின் துணை ஒருங்கிணைப்பாளருமான ஆர். வைத்திலிங்கம் மீது தனியார் கட்டுமான நிறுவனத்திடம் கட்டிட அனுமதி வழங்குவதற்காக ரூ. 27.9 கோடி லஞ்சம் பெற்றதாக ஊழல் எதிர்ப்பு தன்னார்வ தொண்டு நிறுவனமான அறப்போர் இயக்கம் ஊழல் குற்றச்சாட்டை அம்பலப்படுத்தியுள்ளது.

2011 – 2016 ஆண்டு அதிமுக ஆட்சியில் ஆர். வைத்திலிங்கம் வீட்டுவசதித்துற அமைச்சராக பதவி வகித்தார். அதிமுக ஆட்சிக் காலத்தில் ஆர். வைத்திலிங்கம் அமைச்சராக இருந்தபோது தனியார் கட்டுமான நிறுவனத்திடம் கட்டிட அனுமதி வழங்குவதற்காக லஞ்சம் பெற்றதாக குற்றம் சாட்டப்பட்டுள்ளது.

அறப்போர் ஒருங்கிணைப்பாளர் ஜெயராம் வெங்கடேசன், லஞ்ச ஒழிப்பு மற்றும் ஊழல் தடுப்பு இயக்குனரகத்தில் (டிவிஏசி) சனிக்கிழமை புகார் அளித்தார். இந்த புகாரில், அமைச்சர் ஆர். வைத்திலிங்கம் மற்றும் ஸ்ரீராம் பிராப்பர்டீஸ் அண்ட் இன்ஃப்ராஸ்ட்ரக்சர் பிரைவேட் லிமிடெட், கேட்வே ஆபிஸ் பார்க்ஸ் பிரைவேட் லிமிடெட் ஆகியோரின் பெயர்கள் குறிப்பிடப்பட்டுள்ளது. சென்னை புறநகரில் உள்ள பெருங்களத்தூரில் கட்டிடங்கள் கட்டுவதற்காக லஞ்சம் பெற்றதாக குறிப்பிடப்பட்டுள்ளது. இது குறித்து ஆர். வைத்திலிங்கம் ​​இந்த தகவல் தவறானது என்று தெரிவித்துள்ளார். “அறப்போர் இயக்கம் என்ன சொன்னாலும் அது தவறு. புகார் பற்றிய முழு விவரங்களையும் தெரிந்துகொண்டு குற்றச்சாட்டுகளுக்கு பின்னர் பதிலளிப்பேன்” என்று ஆர். வைத்திலிங்கம் தெரிவித்துள்ளார்.

முன்னாள் அமைச்சரும் அதிமுக துணை ஒருங்கிணைப்பாளருமான ஆர். வைத்திலிங்கம் தற்போது ஒரத்தநாடு தொகுதியின் எம்.எல்.ஏ.வாக உள்ளார்.

அதே நேரத்தில், ஸ்ரீராம் பிரைவேட் லிமிடெட்டின் செய்தித் தொடர்பாளர் ஆங்கில செய்தித்தாளுக்கு அளித்த கருத்து தெரிவித்த நிலையில், இந்த நிறுவனம் இந்த பிரச்சினையில் கருத்து தெரிவிக்க விரும்பவில்லை என்று கூறினார்.

ஜெயராம் வெங்கடேசன், டிசம்பர் 2, 2013 அன்று 24 குடியிருப்புகள் மற்றும் தகவல் தொழில்நுட்ப பிரிவுகளை கட்டுவதற்கு சி.எம்.டி.ஏ-விடம் கட்டிட திட்ட ஒப்புதலுக்கு விண்ணப்பித்ததாக கூறினார். சி.எம்.டி.ஏ பதிவுகளின்படி, இந்த விண்ணப்பத்துக்கு டிசம்பர் 24, 2016 அன்று அனுமதி அளிக்கப்பட்டது என்று கூறியுள்ளார்.

ஊழல் எதிர்ப்பு தன்னார்வ தொண்டு நிறுவனமான அறப்போர் இயக்கம், வருவாய் மற்றும் தகவல் தொழில்நுட்பப் பதிவுகள் மூலம், 2015-16 ஆம் ஆண்டில் ஸ்ரீராம் குழுமங்களின் ஒரு பகுதியாக உள்ள பாரத் நிலக்கரி கெமிக்கல் லிமிடெட் – அந்த தொகையை முன்னாள் அமைச்சர் ஆர். வைத்திலிங்கத்தின் மகன் வி. பிரபுவுக்குச் சொந்தமான முத்தம்மாள் எஸ்டேட்ஸ் பிரைவேட் லிமிடெட் என்ற நிறுவனத்திற்கு உத்தரவாதமில்லாத கடனாக அளித்துள்ளது.

கார்ப்பரேட் விவகார அமைச்சகத்திடம் தாக்கல் செய்யப்பட்ட ஆவணங்களில், கடந்த ஆண்டு 2020 வரை உத்தரவாதமற்ற கடன் பொறுப்பாக இருந்தது என்று இந்த அறப்போர் இயக்கம் தெரிவித்துள்ளது. உலோகம் மற்றும் இரசாயன உற்பத்தியில் ஈடுபட்டுள்ள பாரத் நிலக்கரி நிறுவனம், 2014 ஆம் ஆண்டில் ரூ. 130 கோடி சொத்துக்கள் இருப்பதாகக் கருதப்பட்டது. முற்றிலும் மாறுபட்ட வணிகத்தில் ஒரு நிறுவனத்திற்கு உத்தரவாதம் இல்லாத கடனை எவ்வாறு வழங்கியது என்று அறப்போர் இயக்கம் மேலும் கேள்வி எழுப்பியுள்ளது. நிதி கிடைத்தவுடன், திருச்சியில் உள்ள பாப்பாக்குறிச்சி கிராமத்தில் 262/1 மற்றும் 262/2 சர்வே எண்களில் உள்ள நிலத்தை எஸ்டேட்கள் 2015-16 ஆம் ஆண்டிலேயே 18 கோடி முன்பணமாக வாங்கினர்.

மேலும், பாரத் நிலக்கரி நிறுவனம் தனது கடனை இதுவரை திரும்பப் பெறவில்லை, மேலும், 2019-20 ஆம் ஆண்டில் கடன் வாராக்கடன் என திவாலானதாக அறிக்கை தாக்கல் செய்துள்ளதாக அறப்போர் கூறியுள்ளது. முத்தம்மாள் தோட்டங்களுக்கும் தங்கள் களத்தில் முன் அனுபவம் இல்லை என்றும், தகவல் தொழில்நுட்ப பதிவுகளின்படி, அவற்றின் வருவாய் செயல்பாடுகள் பூஜ்ஜியமாக இருப்பதாகவும் கூறியுள்ளது.

இந்த கட்டிட அனுமதிக்காக மட்டுமே அமைச்சரின் மகனின் நிறுவனத்திற்கு தனியார் நிறுவனம் நிதியை மாற்றியதற்கு இது முதன்மையான ஆதாரத்தை அளிக்கிறது என்று அவர்கள் முடிவு செய்தனர். இந்த அனுமதியின் ஒரு பகுதியாக அனைத்து சி.எம்.டி.ஏ அதிகாரிகளையும் குறிப்பிட்டு, முன்னாள் அமைச்சர் மற்றும் பிறருக்கு எதிராக எஃப்ஐஆர் பதிவு செய்யுமாறு டி.வி.ஏ.சி-யை அறப்போர் இயக்கம் வலியுறுத்தியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Tamilnadu news download Indian Express Tamil App.

Web Title: Former aiadmk minister in spotlight for bribery charges of rs 27 9 crore by arappor iyakkam