தமிழ்நாட்டில் மழைக் காலத்தில் டெங்கு காய்ச்சல் பரவி வரும் நிலையில், டெங்கு காய்ச்சலைத் தடுக்க ஆரம்ப கட்டத்திலேயெ தடுப்பு நடவடிக்கை தீவிரப்படுத்தப்பட உள்ளது.
தமிழகத்தில் டெங்கு காய்ச்சலைக் கட்டுப்படுத்துவதற்கான வழிகாட்டுதல்களை பொது சுகாதார இயக்குனரகம் வெளியிட்டுள்ளது.
தமிழகத்தில் டெங்கு பாதிப்பு அதிகரித்துள்ளதைத் தொடர்ந்து, அடுத்த 2 மாதங்களுக்கு மழைக்காலத்தில் பரவும் நோய்களுக்கான தடுப்பு நடவடிக்கைகளை தீவிரப்படுத்துமாறு பொது சுகாதாரம் மற்றும் நோய் தடுப்பு மருத்துவ இயக்குனரகம் அறிவுறுத்தியுள்ளது.
சுகாதாரப் பணிகள் துணை இயக்குநர்கள் மற்றும் மாநகராட்சி சுகாதார அலுவலர்களுக்கு பொது சுகாதாரம் மற்றும் தடுப்பு மருத்துவ இயக்குநர் டாக்டர் டி.எஸ். செல்வவிநாயகம் எழுதியுள்ள கடிதத்தில், “மாநிலம் முழுவதும் ஒவ்வொரு ஆண்டும் டெங்கு பாதிப்பு எண்ணிக்கை அதிகரித்து வருகிறது. செப்டம்பர் முதல் நவம்பர் வரை, ஏ.டி.ஸ் கொசுக்களின் பெருக்கத்தை ஊக்குவிக்கும் சாதகமான சூழ்நிலைகள், வழக்கத்திற்கு மாறான மழைப்பொழிவு டெங்கு பரவுவதில் தாக்கத்தை ஏற்படுத்துகிறது, இது பல மாவட்டங்களில் இருந்து பெறப்பட்ட அறிக்கைகளிலிருந்து தெளிவாகிறது.” என்று குறிப்பிட்டுள்ளார்.
உலக சுகாதார நிறுவனம் 2023-ம் ஆண்டில் எல் நினோ நிகழ்வின் காரணமாக டெங்கு மற்றும் கொசுக்கள் மூலம் பரவும் நோய்கள் பரவுவதற்கான அதிக வாய்ப்புகள் உள்ளது என்று கூறியது.
பொது சுகாதாரம் மற்றும் தடுப்பு மருத்துவ இயக்குநர் டாக்டர் டி.எஸ். செல்வவிநாயகம், “கிராமம் மற்றும் நகர்ப்புறங்களில் போதுமான பரிசோதகர்களை வைத்து வீடு வீடாகச் சென்று கொசு உற்பத்தியாகும் இடங்களைக் கண்டறிந்து அகற்ற செய்ய வேண்டும், மேலும், கண்காணிப்பை தீவிரப்படுத்துமாறு சுகாதார அதிகாரிகளுக்கு அறிவுறுத்தியுள்ளார். “டெங்கு காய்ச்சல் நோயாளிகளை நிர்வகிப்பதற்கான ஒரு தற்செயல் திட்டம், தேவையான நோயறிதல் மற்றும் மருந்துகளுடன் தனி டெங்கு பிரத்யேக படுக்கைகள்/வார்டுகள் ஆகியவற்றைக் கொண்டு சாத்தியமான பரவுதலைக் கையாள அனைத்து மருத்துவமனைகளும் எச்சரிக்கப்பட வேண்டும். போதுமான ரத்தக் கூறுகளை வைத்திருப்பதற்காக ரத்த வங்கிகள் எச்சரிக்கப்பட வேண்டும், நிலைமை தேவைப்பட்டால் நிர்வகிக்க வேண்டும்” என்று அந்த கடிதத்தில் குறிப்பிட்டுள்ளார்.
தமிழ்நாட்டில் டெங்கு மற்றும் பிற விலங்கியல் நோய்களின் கண்காணிப்பை வலுப்படுத்த தேவையான ஏற்பாடுகளை அதிகாரிகள் செய்யுமாறு கேட்டுக் கொள்ளப்படுகிறார்கள். அக்டோபர் நான்காவது வாரத்தில் ரயில்வே யார்டுகள், ரயில் நிலைய வளாகங்கள் மற்றும் ரயில்வே குடியிருப்புகளில் பெரிய அளவில் ஆதார குறைப்பு போன்ற வாராந்திர முன்னுரிமை நடவடிக்கைகளை மேற்கொள்ள வேண்டும் என பொது சுகாதார இயக்குநரகம் வெளியிட்டுள்ளது. “நவம்பரில், கொசுக்களை ஒழிக்க, சென்னை மாநகராட்சி எல்லைக்குட்பட்ட பொதுக் கட்டடங்களில் கொசு உற்பத்தியாகும் இடங்களை அகற்றுதல் மற்றும் தேவையற்ற பொருட்களை காலி இடங்களில் வைக்க வேண்டும்” என்று செல்வவிநாயகம் அறிவுறுத்தியுள்ளார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“