ஹெச். ராஜா சென்னை அப்பல்லோவில் அனுமதி: சிகிச்சை பற்றி அவரே வெளியிட்ட பதிவு

H Raja has been admitted to hospital: தமிழ்நாடு பாரதிய ஜனதா கட்சியின் மூத்தத் தலைவர் ஹெச் ராஜா, நெஞ்சு வலி காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார் என்ற தகவல் வெளியாகி உள்ளது.

பாரதிய ஜனதா கட்சி தொண்டர்களின் குரலாக ஒலிக்கக் கூடியவர் ஹெச். ராஜா. இவரின் ட்விட்டர் கணக்கில் நேற்றிரவு (அக்.11) 10 மணிக்கு மேல் தகவல் ஒன்று பரிமாறப்பட்டிருந்தது.

அதில், ஹெச் ராஜாவுக்கு உடல் நலக்குறைவு ஏற்பட்டதாக கூறப்பட்டிருந்தது. இதனால் அவர் வழக்கமான பணிகளில் இருந்து சற்று ஓய்வில் இருப்பார் எனத் தெரிவிக்கப்பட்டிருந்தது.

பாரதிய ஜனதா கட்சியின் தேசிய செயற்குழு உறுப்பினர் திரு.H. ராஜா அவர்கள் https://t.co/rFgmE6zLQc.,B.L.,FCA.,Ex.MLA., உடல்நலக்குறைவு காரணமாக அப்பல்லோ மருத்துவமனையில் சிகிச்சை பெற்று வருவதால் சில தினங்களுக்கு அன்றாட பணிகளில் ஈடுபட இயலாது என தெரிவித்துக்கொள்கிறோம்.



- Team HR

— H Raja (@HRajaBJP) October 11, 2023

இந்த நிலையில் அவருக்கு நெஞ்சு வலி மற்றும் மூச்சு விடுவதில் சிரமம் இருந்ததாக தற்போது தகவல் வெளியாகி உள்ளது.

தொடர்ந்து அவரை பரிசோதித்ததில் அவருக்கு ரத்த குழாயில் அடைப்பு ஏற்பட்டு இருந்தது தெரியவந்தது. இந்த நிலையில் மருத்துவர்கள் அவருக்கு இருதய அருவை சிகிச்சை செய்தனர். தற்போது அவர் மருத்துவ ஓய்வில் உள்ளார். அவரை அவரது குடும்பத்தினர் கவனித்து வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“