ஹெச்.ராஜாவுக்கு சளைக்காத ஆர்.எஸ்.பாரதி : ஆபாசத்திற்கு இன்னொரு ஆபாசம் பதிலாகுமா?

கனிமொழி பற்றிய ஹெச்.ராஜாவின் ட்வீட்டுக்கு அதே ஆபாச மொழியில் திமுக அமைப்புச் செயலாளர் ஆர்.எஸ்.பாரதி பதில் கொடுத்திருப்பது அதிர்ச்சியை ஏற்படுத்தியிருக்கிறது.

கனிமொழி பிறப்பு குறித்து சர்ச்சை பதிவை வெளியிட்ட ஹெச்.ராஜா மீது இணைய உலகமே பாய்ந்து பிராண்டிக் கொண்டிருந்தது. ஹெச்.ராஜாவுக்கு எதிரான விவாத களமாக இது அமைந்தது மட்டுமல்லாமல், ஹெச்.ராஜா மீது பாஜக தேசிய தலைமை நடவடிக்கை எடுக்க வேண்டிய நெருக்கடியும் இதில் உருவானது!

தன் கள்ள உறவில் பெற்றெடுத்த கள்ளக் குழந்தையை (illegitimate child) மாநிலங்களவை உறுப்பினராக்கிய தலைவரிடம் ஆளுநரிடம் கேட்டது போல் நிருபர்கள் கேள்வி கேட்பார்களா. மாட்டார்கள். சிதம்பரம் உதயகுமார், அண்ணாநகர் ரமேஷ், பெரம்பலூர் சாதிக் பாட்ஷா நினைவு வந்து பயமுறுத்துமே.

— H Raja (@HRajaBJP) 18 April 2018

திமுக சார்பில் முதலில் கருத்து தெரிவித்த செய்தி தொடர்பாளர்கள் சரவணன், மனுராஜ் ஆகியோர் காட்டமாக, அதேசமயம் ஆபாசம் இல்லாமல் பதிவுகளை வெளியிட்டனர். ஆனால் திமுக அமைப்புச் செயலாளர் ஆர்.எஸ்.பாரதி , பதிலுக்கு பதில் என்ற அளவில் ஹெச்.ராஜாவின் பிறப்பு குறித்து மிக ஆபாசமான ஒரு பதிவை வெளியிட்டு சம நிலைப்படுத்தியிருக்கிறார்.

மானங்கெட்ட எச்.ராஜாவுக்கு எனது பதில். pic.twitter.com/go0cgEbJMF

— RS Bharathi (@RSBharathiDMK) 18 April 2018

ஆர்.எஸ்.பாரதியின் அறிக்கை மறைமுகமாக பிரதமர் மோடியையும் தாக்குவதாக அமைந்திருக்கிறது.
ஆக, இப்போது விவாதம், அரசியலின் தரம் தாழ்ந்து போனதாக மாறியிருக்கிறது. எனவே ஹெச்.ராஜா மீது நடவடிக்கை எடுக்க வேண்டிய நெருக்கடி பாஜக தலைமைக்கு இனி இல்லை. இதில் அதிக நிம்மதி, ஹெச்.ராஜாவுக்குத்தான்! ஏன் இப்படிச் செய்தார் ஆர்.எஸ்.பாரதி?

 

Get all the Latest Tamil News and Tamil Nadu News at Indian Express Tamil. You can also catch all the Tamilnadu News by following us on Twitter and Facebook