Red Alert : தமிழகத்தில் 2 நாட்களுக்கு ரெட் அலர்ட்... இந்த மாவட்டங்களில் கனமழை அடிச்சி நொறுக்கும்!

தமிழ்நாட்டில் இன்று கோவை மாவட்ட மலைப்பகுதிகள் மற்றும் நீலகிரி மாவட்டத்தில் ஓரிரு இடங்களில் கன முதல் மிக கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. திருப்பூர், திண்டுக்கல்,தேனி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழைக்கு வாய்ப்பிருப்பதாகவும் கணிக்கப்பட்டுள்ளது. இதேபோல் நாளை மற்றும் நாளை மறுநாள், கோவை, நீலகிரி மாவட்டங்களில் கன முதல் அதி கனமழைக்கு வாய்ப்பிருப்பதாகவும் திண்டுக்கல்,தேனி, மற்றும் தென்காசி மாவட்டங்களில் கன முதல் மிக கனமழைக்கு வாய்ப்புள்ளதாகவும் வானிலை மையம் கூறியுள்ளது.

நாளை மற்றும் நாளை மறுநாள் திருப்பூர், நெல்லை மற்றும் குமரி மாவட்டங்களில் கனமழை பொழிய வாய்ப்பு உள்ளதாகவும் எச்சரிக்கப்பட்டு உள்ளது. சென்னை மற்றும் புறநகரில் இன்று வானம் மேகமூட்டமாக காணப்படும் என்றும், நகரின் சில பகுதிகளில் இடி மின்னலுடன் கூடிய மிதமான மழைக்கு வாய்ப்பு இருப்பதாகவும் வானிலை ஆய்வு மையம் கணித்துள்ளது.