/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/03/epf.jpg)
ஒரு ஊழியர் தனது அடிப்படை சம்பளம் மற்றும் அகவிலைப்படியில் 12 சதவீதத்தை இ.பி.எஃப் சேமிப்பிற்காக பங்களிக்கிறார்.
EPF interest is calculate | ஊழியர்களின் வருங்கால வைப்பு நிதி (EPF) என்பது மத்திய அரசால் ஆதரிக்கப்படும் ஓய்வூதிய சேமிப்பு திட்டம் ஆகும். இது அனைத்து சம்பளம் பெறும் ஊழியர்கள் மற்றும் தனியார் துறை ஊழியர்களுக்கு அணுகக்கூடியது.
ஒவ்வொரு மாதமும், ஒரு ஊழியர் தனது அடிப்படை சம்பளம் மற்றும் அகவிலைப்படியில் 12 சதவீதத்தை இ.பி.எஃப் சேமிப்பிற்காக பங்களிக்கிறார்.
ஊழியர்களின் வருங்கால வைப்பு நிதி (EPF) வட்டி விகிதம் ஆண்டுதோறும் ஊழியர்களின் வருங்கால வைப்பு நிதி அமைப்பால் அறிவிக்கப்படுகிறது.
2023-24 நிதியாண்டில், இ.பி.எஃப் வட்டி விகிதம் 8.25% ஆகும். பி.எஃப் திட்டத்திற்கு இணங்க, பணியாளர் மற்றும் முதலாளி இருவரும் திட்டத்திற்கு சமமான பங்களிப்புகளை வழங்க வேண்டும்.
ஓய்வு பெற்றவுடன், பணியாளர் தனது சொந்த பங்களிப்புகள், முதலாளியின் பங்களிப்புகளையும் சேர்த்து திரட்டப்ட்ட வட்டி விகிதம் ஆகியவற்றை பெறுகிறார்.
இ.பி.எஃப் வட்டி எவ்வாறு கணக்கிடப்படுகிறது?
உங்கள் இ.பி.எஃப் கணக்கில் வருடத்திற்கு ஒருமுறை மட்டுமே வட்டி வரவு வைக்கப்படும். அது மார்ச் 31ஆம் தேதி ஆகும்.
வட்டி மாதந்தோறும் கூட்டப்படுகிறது. அதாவது ஒரு குறிப்பிட்ட மாதத்தில் சம்பாதித்த வட்டி அசல் தொகையுடன் சேர்க்கப்பட்டு, அடுத்த மாதத்திற்கான வட்டி இந்த அதிகத் தொகையில் கணக்கிடப்படும்.
கணக்கீட்டைப் புரிந்துகொள்ள எளிய வழி
மாதாந்திர வட்டி விகிதத்தைப் பெற வருடாந்திர வட்டி விகிதத்தை (8.25%) 12 ஆல் வகுக்கவும்.
ஒவ்வொரு மாதமும், உங்கள் மாதாந்திர பங்களிப்பை முந்தைய மாத இறுதி நிலுவைத் தொகையில் சேர்க்கவும்.
மாதத்திற்கான வட்டியைக் கணக்கிட, புதிய இருப்பை மாத வட்டி விகிதத்தால் பெருக்கவும்.
மாதத்திற்கான இறுதித் தொகையைப் பெற, பெற்ற வட்டியை புதிய இருப்புடன் சேர்க்கவும்.
உதாரணமாக, முதல் மாதத்திற்கான ஆரம்பப் பங்களிப்பு ரூ. 10,000 என்று வைத்துக் கொள்வோம். வட்டி ஏதும் இல்லை. அடுத்த மாதத்தில், புதிய பங்களிப்பு காரணமாக தொடக்க இருப்பு இரட்டிப்பாகும்.
எனவே, கணக்கீடு 20,000 ரூபாய் என்று கருதுகிறது. திரட்டப்பட்ட வட்டி ரூ. 137.5 (20000 x 8.25 சதவீதம்) /12 ஆக இருக்கும், இது ரூ. 137 ஆக இருக்கும். இந்தச் செயல்முறையானது ஒவ்வொரு அடுத்தடுத்த மாதத்திற்கும் மீண்டும் நிகழ்கிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.