Udhayanidhi Stalins Sanatana row: சனாதன தர்மம் குறித்து சர்ச்சைக்குரிய கருத்துகளை தெரிவித்த மாநில அமைச்சர்களை பதவி நீக்கம் செய்யக் கோரி விஸ்வ ஹிந்து பரிஷத் (விஎச்பி) பிரதிநிதிகள் தமிழக ஆளுநர் ஆர்.என்.ரவியை புதன்கிழமை (செப்.27) சந்தித்து மனு அளித்தனர்.
அந்த மனுவில், “சனாதன் ஒழிப்பு மாநாடு' என்ற பெயரில் சென்னையில் ஒரு மாநாடு ஏற்பாடு செய்யப்பட்டது 'கடும் கவலைக்குரிய விஷயம்' என்று கூறப்பட்டுள்ளது.
இந்த மாநாட்டில் தமிழக அமைச்சரவையில் உள்ள அமைச்சர்களான உதயநிதி ஸ்டாலின் மற்றும் சேகர் பாபு ஆகியோர் கலந்து கொண்டதையும் தூதுக்குழு சுட்டிக்காட்டியுள்ளது.
தொடர்ந்து, அதில், “சனாதன தர்மத்தைப் பின்பற்றுபவர்களின் உணர்வுகளைக் கடுமையாகப் புண்படுத்தும் வகையில், அன்றாடம் தவறான கருத்துக்களைக் கொண்டு சனாதன தர்மத்தைக் குறிவைக்கின்றனர்.
மேலும், சனாதன தர்ம எதிர்ப்பு மாநாட்டில் கலந்து கொண்ட அமைச்சர்கள் பதவிப்பிரமாணத்தை மீறியதால் அவர்களை அமைச்சரவையில் இருந்து நீக்க வேண்டும் என ஆளுநரிடம் வலியுறுத்தியுள்ளனர்.
விஎச்பி தூதுக்குழுவில் அகில பாரதிய சாந்த் சமிதியின் பொதுச் செயலாளர் தண்டி சுவாமி ஜீதேந்திரானந்த சரஸ்வதி, வெள்ளிமலை ஆசிரமத்தின் சுவாமி சைதன்யானந்தா சுவாமி மதுரானந்த், விஎச்பியின் மத்திய செயல் தலைவர் அலோக் குமார், டாக்டர் பி சொக்கலிங்கம் தலைவர், விஎச்பி-வட தமிழகத்தின் மூத்த வழக்கறிஞர் சு சீனிவாசன் மற்றும் மூத்த வழக்கறிஞர் சு.சீனிவாசன் ஆகியோர் இடம்பெற்றிருந்தனர்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/VaNXwfqu8NwN096yYL5q.jpg)