சமூக தளங்களில் வைரலாகும் இன்பநிதி! - உற்சாகமான திமுக யங் ஆர்மி!

திமுக இளைஞரணி செயலாளரும், நடிகருமான உதயநிதி ஸ்டாலினின் மக்கள் இன்பநிதி இவ்வளவு பெரிய பையனாக வளர்ந்துவிட்டாரா என்று வாயடைத்து போயிருக்கின்றனர் உடன்பிறப்புகள்.

அவ்வப்போது மட்டும் இன்பநிதி குறித்த புகைப்படம் சமூக தளங்களில் வெளிவந்த நிலையில், தற்போது வெளியாகி இருக்கும் லேட்டஸ்ட் படத்தை பார்க்கும் போது, உதயநிதியின் தம்பி போலயே தோற்றமளிக்கிறார்.

அரும்பிய மீசையுடன் அப்பா உதயநிதியுடன் இணைந்து போஸ் கொடுத்திருக்கிறார் இன்பநிதி.

இவ்ளோ பெரிய பையனா? என்று வியக்கும் அதே வேளையில், அரசியல் ரீதியாகவும் சில கருத்துக்கள் பதிவிடப்படுவதை காணமுடிகிறது.

திமுகவில் குடும்ப அரசியல் நடப்பதாக எதிர்க்கட்சிகள் காலங்காலமாக குற்றம் சாட்டி வருவது தெரிந்த ஒன்றே. குறிப்பாக, உதயநிதி கட்சியில் ஆதிக்கம் செலுத்தத் தொடங்கியிருப்பதாக அந்த கட்சிக்குள்ளேயே இரு தரப்பாக முணுமுணுக்கப்பட்டு வருகிறது.

சினிமா, அரசியல் என இரு குதிரையிலும் சவாரி செய்து வரும் உதயநிதி தான், திமுகவின் எதிர்காலம் என்பதே அக்கட்சியின் இளைஞர் படையின் எண்ணோட்டமாக உள்ளது. அதேசமயம், சில சீனியர் தலைகள் இதை பெரிதாக ரசிக்கவில்லை என்பதும் அரசல் புரசலாக காண முடிகிறது.

உதயநிதி மீதான எதிர்பார்ப்பு இப்படியிருக்க, அவருக்கே டஃப் கொடுக்கும் அளவுக்கு இருக்கிறது யங் பாய் இன்பநிதியின் போஸ்!