இந்திய காவல்துறை விளையாட்டு போட்டி : கபடியில் வெண்கலம் வென்ற தமிழக பெண் காவலர்கள்

பாபு ராஜேந்திரன் கடலூர்

கடலூரில் கபடி விளையாட்டில் பயிற்சி பெற்ற இரண்டு பெண் காவலர்கள் தமிழக காவல்துறை சார்பில் கபடி போட்டியில் வெண்கல பதக்கம் வென்றுள்ளனர். இவர்களை கடலூர் எஸ் பி பாராட்டி வாழ்த்தி  பாராட்டினார்

72 ஆவது அகில இந்திய காவல்துறை விளையாட்டு போட்டிகள் ஹரியானா மாநிலம் மதுபன் அகாடமியில் 04.10.2023 முதல் 08.10.2023 வரை நடைபெற்றது. இப்போட்டியில் கடலூர் மாவட்டத்தில் கபடி விளையாட்டில் பயிற்சி பெற்ற தற்போது தமிழக காவல்துறையில் பயிற்சி பெற்ற மைதிலி மகேஷ்வரி ஆகிய இருவரும் வெண்கலப்பதக்கம் வென்றுள்ளனர்.

இதில் மைதிலி சென்னை மாநகர ராஜீவ்காந்தி அரசு மருத்துவமனை காவல் நிலையத்தில் பணியாற்றி வரும் நிலையில், மகேஷ்வரி, திருவாரூர் ஆயுதப்படையில் பணியாற்றி வருகிறார். இவர்கள் இருவரும் தமிழக காவல்துறை சார்பில் கபடி போட்டியில் பங்கேற்று வெண்கலம் பதக்கம் பெற்றுள்ளனர். பதக்கம் வென்ற பெண் காவலர்களை கடலூர் மாவட்ட காவல் கண்காணிப்பாளர்  இரா.இராஜாராம் பாராட்டினார்.

இந்த நிகழ்வின்போது ஆயுதப்படை காவல் ஆய்வாளர் அருட்செல்வன் தலைமை காவலர் ஞானமுருகன் உடன் இருந்தனர்.