தமிழ்நாட்டின் குழந்தை இறப்பு விகிதம் (ஐ.எம்.ஆர்) கடந்த சில மாதங்களில் 9-க்கும் கீழ் குறைந்துள்ளாகவும், 2020-ம் ஆண்டில் 1,000 பிறப்புகளுக்கு 13 ஆக இருந்த நிலையில் இது தற்போது 9-க்கும் கீழ் குறைந்துள்ளதாக முன்னாள் சுகாதார செயலாளர் ககன்தீப் சிங் பேடி கூறினார். மேலும், தேசிய சராசரி 28 ஆக உள்ளது. சிசு இறப்பு விகிதம் கேரளாவில் 6, டெல்லி 12, மகாராஷ்டிரா 16 மற்றும் கர்நாடகா 19 பதிவாகி உள்ளது.
நேற்று (ஜூலை 1) தேசிய மருத்துவர்கள் தின நிகழ்ச்சி சென்னையில் நடைபெற்றது. அப்போது பேசிய ககன்தீப் சிங் பேடி, ஒரு வயதுக்குட்பட்ட குழந்தைகளின் இறப்பு விகிதம் குறைவதை மாநில சுகாதார தகவல் மேலாண்மை அமைப்பு பதிவு செய்துள்ளது, இது மாநிலத்தில் உள்ள அனைத்து மருத்துவமனைகளிலிருந்தும் தாய் மற்றும் சிசு இறப்பு பற்றிய தகவல்களை புதுப்பிக்கிறது.
ககன்தீப் சிங் பேடி மேலும் கூறுகையில், “இதை விரைவில் உறுதி செய்வோம். மருத்துவர்களின் முயற்சியால்தான் மாநிலத்தில் தாய் மற்றும் சிசு இறப்பு விகிதம் குறைந்துள்ளது” என்று கூறினார்.
தேசிய அளவில் இத்தகைய புள்ளிவிவரங்களை பதிவு செய்யும் மாதிரி பதிவு முறையின் (SRS) சமீபத்திய புள்ளிவிவரங்கள், 2020 ஆம் ஆண்டில் தமிழ்நாட்டின் குழந்தை இறப்பு விகிதத்தை 13 ஆக வைத்துள்ளது. தாய்வழி இறப்பும் SRS 2020-ல் 52-ல் இருந்து 48 ஆகக் குறைந்துள்ளது, தேசிய தாய் இறப்பு விகிதம் 2020-ல் 97 ஆக இருந்தது என்றார்.
தாய் மற்றும் சிசு இறப்பு குறைவதோடு, சி-செக்ஷன் அதிகரிப்பு ஏற்பட்டுள்ளதாக அதிகாரிகள் கூறுகின்றனர். மாநிலத்தில் 70% பிரசவங்கள் அரசு மருத்துவமனைகளில் நடக்கின்றன.
சில மாவட்டங்களில், கர்ப்பிணிப் பெண்களிடையே உடல் பருமன் மற்றும் இரத்த சர்க்கரை அளவு அதிகரிப்பு உள்ளிட்ட பல்வேறு காரணிகளால் சி-பிரிவு விகிதங்கள் 50%-ஐ தாண்டியுள்ளன. "சில அரசு மருத்துவமனைகள் மாவட்டங்களில் உள்ள தனியார் மருத்துவமனைகளை விடவும் சிறப்பாக உள்ளன" என்று பேடி கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/4U6V0CtFQr0nBEQPPkjQ.jpg)