கமலின் சர்ச்சைக் கருத்திற்கு பதில் அளிக்க விருப்பமில்லை - முதல்வர்

அரவக்குறிச்சி தொகுதியில் கமல் ஹாசன் பேசிய சர்ச்சைக்குரிய கருத்து தொடர்பாக கரூர் மாவட்ட தேர்தல் அதிகாரியிடம் விளக்கம் கேட்டுள்ளது தேர்தல் ஆணையம் என்று தமிழக தேர்தல் ஆணைய அதிகாரி சத்யபிரதா சாஹூ அறிவித்துள்ளார்.

நீதிமன்றம் கமலின் சர்ச்சைக் கருத்து குறித்து பேச தடை விதிக்கப்பட்டுள்ளதால் அது குறித்து கூற விருப்பம் இல்லை. அனைத்து கட்சியினரும் தேர்தல் நடத்தை விதிமுறைகளை பின்பற்றினால் நலம் என்று மதுரையில் முதல்வர் எடப்பாடி பழனிசாமி கூறியிருக்கிறார்.

இன்று காலை சென்னை விமான நிலையத்தில் செய்தியாளர்களை சந்தித்த கமல் ஹாசன் எதிர்க்கட்சி ஆலோசனைக் கூட்டத்திற்கு மய்யத்திற்கு அழைப்பு விடுக்கவில்லை என்று கூறியிருந்தார். அதற்கு தமிழக காங்கிரஸ் கமிட்டித் தலைவர் கே.எஸ். அழகிரி பதில் அளித்துள்ளார். எம்.பிக்களை பெறப்போகும் கட்சிகளுக்கு மட்டுமே அழைப்பு விடுத்தோம். அதனால் தான் கமலுக்கு அழைப்பு இல்லை என்றார்.

மேலும் கமலின் கருத்திற்கு மாற்றுக் கருத்து தெரிவிக்கலாம் ஆனால் வன்முறையில் யாரும் இறங்கக் கூடாது. அதை ஒரு போதும் காங்கிரஸ் அனுமதிக்காது என்றார்.

டெல்லியில் மே மாதம் 23ம் தேதி காங்கிரஸ் கட்சியின் முன்னாள் தலைவர் மற்றும் மூத்த உறுப்பினருமான சோனியா காந்தி, பாஜக கூட்டணியில் இல்லாத கட்சிகளுக்கு அழைப்பு விடுத்திருந்தார். மக்கள் நீதி மய்யத்திற்கு அழைப்பு விடுக்கப்பட்டதா என்று கேள்வி எழுப்பிய போது அழைப்பு ஏதும் வரவில்லை என்று கமல் ஹாசன் கூறியுள்ளார். 

மக்கள் இந்துக்கள் யார், ஆர்.எஸ்.எஸ் யார் என்று பிரித்துப் பார்க்க வேண்டும் என்று அவர் கூறியுள்ளார். 

அமைச்சர் ராஜேந்திர பாலாஜி, கோட்ஸேவின் கருத்தைக் கூறிய கமல் ஹாசனின் நாக்கை அறுக்க வேண்டும் என்று கூறினார். இது குறித்து கேள்வி எழுப்பிய போது, அது அவருடைய குணாம்சியத்தையே காட்டுகிறது என்று பதில் கூறினார் கமல். 

தமிழகத்தில் இருக்கும் இதர கட்சியினரோ, திரையுலகில் இருக்கும் நண்பர்களோ உங்களின் கருத்திற்கு ஆதரவு அளிக்கவில்லையே என்று கேள்வி கேட்டதிற்கு இது ஜனநாயக நாடு. அனைவருக்கும் தனிப்பட்ட கருத்து உண்டு என்று அவர் கூறியுள்ளார். 

கோட்சே குறித்த கமல் ஹாசனின் சர்ச்சைக் கருத்து குறித்து பேசிய மோடி, இந்துக்கள் தீவிரவாதிகள் கிடையாது. தீவிரவாதிகள் யாரும் இந்துவாக இருக்க இயலாது என்று கூறினார். இது குறித்து கேள்வி எழுப்பிய போது, மோடியின் கருத்திற்கு நான் பதில் அளிக்க வேண்டியதில்லை. சரித்திரம் பதில் அளிக்கும் என்று கமல் குறிப்பிட்டார். தோல்வி அடைந்துவிடுவோம் என்ற பயத்தினால் பிரச்சனையை ஏற்படுத்துகின்றனர் என்றும் அவர் கூறீயுள்ளார். 

கமல் ஹாசனின் கருத்திற்கு பிரதமர் மோடி பதில் அளித்திருந்தார். எந்த ஒரு இந்துவும் தீவிரவாதியில்லை. தீவிரவாதியாக இருக்கும் எவரும் இந்துவாக இருக்க இயலாது என்று கூறினார். இது குறித்து செய்தியாளர்கள் கேள்வி எழுப்பிய போது, மோடியின் கருத்துக்கு பதில் அளிக்க வேண்டிய அவசியம் இல்லை. சரித்திரம் பதில் அளிக்கும் என்று பதில் கூறியுள்ளார் கமல் ஹாசன்.

கமல் ஹாசனின் கருத்திற்கு பிரதமர் மோடி பதில் அளித்திருந்தார். எந்த ஒரு இந்துவும் தீவிரவாதியில்லை. தீவிரவாதியாக இருக்கும் எவரும் இந்துவாக இருக்க இயலாது என்று கூறினார். இது குறித்து செய்தியாளர்கள் கேள்வி எழுப்பிய போது, மோடியின் கருத்துக்கு பதில் அளிக்க வேண்டிய அவசியம் இல்லை. சரித்திரம் பதில் அளிக்கும் என்று பதில் கூறியுள்ளார் கமல் ஹாசன்.

திருச்சி விமானநிலையத்தில் இருந்து சென்னை வர இருந்த கமல் ஹாசனை செய்தியாளர்கள் சந்தித்து பேட்டி எடுக்க முயன்றனர். ஆனால் ஒரே விசயத்தை ஐந்தாறு முறை பேச இயலாது. சென்னைக்கு சென்றவுடன் உங்களின் குடும்பம் மீண்டும் என்னை சந்திக்கும். நான் அங்கு சென்று அவர்களிடத்தில் பேசுகிறேன் என்று கூறியுள்ளார்.

ஆர்பாட்டக் கூட்டம் நம்மை வன்முறைக்கு இழுக்கும். நாம் பொறுமை காக்க வேண்டும். வன்முறையில் ஈடுபடக்கூடாது. இது நம் உண்மைக்கு ஏற்பட்ட அக்னிபரீட்சை என்று ட்வீட் வெளியிட்டுள்ளார் கமல் ஹாசன். 

ம.நீ.ம. குடும்பத்தாருக்கும், ரசிகர்களுக்கும் அன்பு வேண்டுகோள். நிகழும் சம்பவங்கள், நம் நேர்மைக்கும் பொறுமைக்கும் நடக்கும் அக்னிப் பரிட்சை. ஆர்ப்பாட்டக் கூட்டம் நம்மை வன்முறைக்கு வலிந்து இழுக்கும். மயங்காதீர்! அவர்களின் தீவிரவாதம் நம் நேர்மைவாதத்திற்கு முன் தோற்கும். நாளை நமதே!

— Kamal Haasan (@ikamalhaasan) 16 May 2019