கருணாநிதி நினைவுகள்: சினிமாவில் திராவிட சித்தாந்தம்

தமிழ்நாடு தனி பாரம்பரியம் கொண்டது. இங்குள்ள சினிமா கலைஞர்கள் அரசியலில் ஈடுபடுவார்கள் என்பது பொதுவான செய்தி. இந்தச் சினிமா துறையில் கோலோச்சிய எம்.ஜி. இராமச்சந்திரன் அரசியலில் சிகரம் தொட்டார்.

ரஜினிகாந்த், கமல்ஹாசனை சுற்றியும் இந்த அரசியல் வட்டம், விவாதங்கள் உள்ளன. எனினும் இந்தப் பாரம்பரியத்தின் பெருமை உண்மையில் வேறு சிலருக்கு சொந்தமானது.

அதில் முக்கியமானவர் மு. கருணாநிதி. அவரின் நெருப்பு வார்த்தைகள் திராவிட இயக்கத்திற்கு முக்கிய கருவியாக இருந்தன. அவரது வழிகாட்டியான பெரியாரின் கருத்தையும், மேடை நாடகங்களை அவர் நடத்திய விதத்திலும், சி.என்.அண்ணாதுரையும் கருணாநிதியும் திராவிட சித்தாந்தங்களுடன் சினிமாவை அரசியலாக்குவதில் முக்கிய பங்காற்றினர்.

கருணாநிதியின் அரசியல் வாழ்க்கையும் சினிமா வாழ்க்கையும் கைகோர்த்து வளர்ந்தன. இளம் வயதில் இந்தி எதிர்ப்புப் போராட்டத்தின் போது பெரியாருடன் இணைந்தார். அவருடைய பேச்சுத்திறனையும், மொழியின் மீதான ஆர்வத்தையும் கவனித்த பெரியாரும், அண்ணாதுரையும் அவரைக் கூட்டங்களில் பேசச் சொல்லி, அவரைக் குடியரசு பத்திரிகையின் ஆசிரியராக்கினர்,

மேலும் அவரை நாடகத்துறைக்கு எழுதவும் அனுமதித்தனர். பத்தாம் வகுப்பில் தேர்ச்சி பெறாத கருணாநிதி, நாடகக் குழுக்களுக்கு வசனம் எழுதி வாழ்க்கையை நடத்தி வந்தார். அவரது புத்திசாலித்தனம் மற்றும் அரசியல் வர்ணனைக்காக அறியப்பட்டார்.

அவரது முதல் படமான ராஜகுமாரி, ஜூபிடர் ஸ்டுடியோவுக்கு, வெற்றி பெற்றது, மேலும் அரசியலில் மற்றொரு செல்வாக்கு மிக்க நபரான எம்.ஜி. ராமச்சந்திரனுக்கு ஒரு தொடக்க புள்ளியாக அமைந்தது.

உண்மையில், கருணாநிதியின் அரசியல் குற்றச்சாட்டுகள் எம்ஜி ராமச்சந்திரனிடம் ஒரு நல்ல முகத்தைக் கண்டன. இவர்களது அடுத்த முயற்சியில், அபிமன்யு என்ற படம் வெளியானது.

இருப்பினும், கருணாநிதியின் மறக்கமுடியாத இரண்டு படங்களில் சிவாஜி கணேசனின் முகம் இருந்தது. 1952 ஆம் ஆண்டு சிவாஜியின் அறிமுகமான பராசக்தி திரைப்படம் கருணாநிதியின் மிகவும் பிரபலமான படைப்புகளில் ஒன்றாக மாறியது.

புலம்பெயர்தல் முதல் அரசு எதிர்கொள்ளும் பல சமூகப் பிரச்சனைகள் வரை படத்தில் பேசப்பட்டது. சிவாஜியின் நடிப்பு மற்றும் கருணாநிதியின் வரிகள் பெரிதளவு பேசப்பட்டன.

படத்தின் புகழ்பெற்ற நீதிமன்ற காட்சிகள் இன்றளவும் புகழப்படுகிறது. சிவாஜி-கருணாநிதி ஜோடியின் மற்றொரு படம் மனோகரா. அப்போது, கருணாநிதி திராவிடர் கழகத்தில் இருந்து விலகி அண்ணாதுரை தலைமையில் திராவிடர் முன்னேற்றக் கழகத்திற்கு மாறினார். மனோகரா ஒரு கலகக்கார இளவரசனைப் பற்றியது, அவர் அப்பாவியான தந்தைக்கு எதிராக தனது தாய்க்காக போராடுவார்.

தொடர்ந்து, பணம், மலைக்கள்ளன் போன்ற பல படங்களும் திராவிட சித்தாந்தங்களுக்கு வாகனங்களாக அமைந்தன. கட்சியின் முதலெழுத்துக்களைக் குறிக்கும் ஒரு பாடலில் இருந்து கலப்படத்தைக் கையாள்வது வரை, திறமையான எழுத்தாளராக தனது கருத்துக்களை சினிமாவில் புகுத்தினார்.

மேலும் எம்.ஜி.ஆருக்கு கருணாநிதி ஆரம்ப காலத்தில் பக்க பலமாக இருந்தார். தொடர்ந்து, கண்ணதாசனும், அவருக்கு பின்னர் வாலியும் வந்தனர்.

கருணாநிதி 75 நாடகங்களுக்கு திரைக்கதை எழுதியுள்ளார். 92 வயதில் தொலைக்காட்சி தொடர் ஒன்றை எழுதினார். எப்போதும் அவர் கூர்மையான மொழிக்கு பெயர் பெற்றவர், கருணாநிதியின் மொழியின் ஆற்றலை அவரது போட்டியாளர்கள் கூட மறுத்தது இல்லை.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“