ஓடும் பஸ்ஸில் இருந்து கீழே விழும் பயணியைக் காப்பாற்றிய கண்டக்டர்; நெட்டிசன்கள் பாராட்டு!

கேரளாவில் ஓடும் பேருந்தில் இருந்து கீழே விழுந்தவரை கேரள பஸ் கண்டக்டர் உடனடியாக ஒற்றைக் கையால் பிடித்து தூக்கி காப்பாற்றிய வீடியோ சமூக வலைதளங்களில் வைரலாகி வருகிறது.

இந்த வீடியோவை 1.6 மில்லியனுக்கும் அதிகமான பார்வைகளைப் பெற்றுள்ளது. வீடியோவில், கேரளாவில் பேருந்து நடத்துனர் ஒருவர், ஓடும் பேருந்தில் இருந்து விழும் பயணியை, உடனடியாக செயல்பட்டு அவரைக் கீழே விழாமல் ஒற்றைக் கையால் பிடித்துக் காப்பாற்றுகிறார். இந்த வீடியோவைப் பார்த்த நெட்டிசன்கள் பலரும், பயணியைக் காப்பாற்றிய கேரள பஸ் கண்டக்டரை சூப்பர் ஹீரோ பாராட்டி வருகின்றனர்.

அந்த வீடியோவில், பேருந்தின் பின்பக்க கதவுக்கு அருகில் நிற்கும் ஒரு இளைஞர், பேருந்து ஓடும் வேகத்திலும் அதிர்விலும் திடீரென தடுமாறி கிட்டத்தட்ட, பேருந்து நுழைவு வாயில் வழியாக கதவைத் தள்ளிக்கொண்டு கீழே விழுகிறார். அப்போது, அருகில் நின்று கொண்டிருந்த கண்டக்டர் உடனடியாகவும் வேகமாகவும் செயல்பட்டு, தனது ஒற்றைக் கையால் அந்த பயணியின் கையை பிடித்து காப்பாற்றினார். கண்டக்டரின் இந்த வேகமான செயல் சமூக ஊடக பயனர்களை ஆச்சரியத்தில் ஆழ்த்தியுள்ளது. குறிப்பாக கீழே விழும் பயணியின் கையை ஒரே கையால் பிடித்து பாதுகாப்பாக இழுக்கும்முன் அவர் திரும்பவோ அல்லது பார்க்கவோ இல்லை.

வீடியோவைப் பார்த்து, ஒரு பயனர் எழுதினார்,  “டிரைவர் அவரது வலது கையைப் பிடித்து அவரைக் காப்பாற்றினார், ஆனால் இதைப் பார்த்தவர் தனது மொபைலை இடது கையால் பிடித்து மொபைலைச் சேமித்தார்.” மற்றொரு பயனர் கூறினார், “சகோ அவருக்கு ஸ்பைடர்மேன் சூப்பர் பவர்ஸ் இருக்கிறதா என்று பார்க்க வேண்டும்..” மற்றொரு பயனர், “அவர் மார்வெலின் சூப்பர் ஹீரோவை விட குறைவானவர் அல்ல” என்று கருத்து தெரிவித்தார்.