தமிழர் பிரதமர்; அமித்ஷா சொன்னது 2024-க்கு அல்ல: குஷ்பூ

தமிழகத்திலிருந்து அடுத்த பிரதமர் வருவதாக அமித்ஷா சொன்னது 2024 தேர்தலுக்கு பொருந்தாது  என்று பாஜக தேசிய செயற்குழு உறுப்பினர் குஷ்பூ தெரிவித்துள்ளார்.

கடந்த வாரம் மத்திய அமைச்சர் அமித்ஷா வேலூரில் நடைபெற்ற பாஜக கூட்டத்தில் கலந்து கொண்டார். இந்நிலையில் இதில் அடுத்த பிரதமர் வேட்பாளர் தமிழராக இருக்கலாம் என்று கூறினார்.

இந்நிலையில்  பாஜக தேசிய செயற்குழு உறுப்பினர் குஷ்பூ செய்தியாளர்கள் சந்திப்பில் “ அடுத்த பிரதமர் தமிழகத்திலிருந்து வருவார் என்று கூறியது 2024 தேர்தலுக்கு பொருந்தாது. இது எதிர்காலத்தில் நடைபெறும். தமிழகத்திலிருந்து யார் வேண்டுமானாலும் பிரதமராகலாம். நரேந்திர மோடி, பிரதமர் ஆகுவார் என்று நாம் யாருமே நினைக்கவில்லை.

அந்த அளவிற்கு பெயர் எடுத்திருக்கிறார். அந்த அளவிற்கு மக்களுக்கு நல்லது செய்திருக்கிறார். நாட்டின் முன்னேற்றத்திற்கு உழைக்கிறார். ஒரு முறை அல்ல 3 வது முறைகூட அவர்தான் பிரதமராகும் அளவிற்கு தகுதியுடையவர். ஜூலை 9ம் தேதி அண்ணாமலை நடை பயணத்தை தொடங்கும்போது, மக்கள் யாரை விரும்புகிறார்கள் என்பது தெரிந்துவிடும். அதிகவுடன் கூட்டணி தொடரும் அதில் எந்த மாற்றமும் இல்லை” என்று அவர் கூறினார்.  

தமிழ்  இந்தியன்  எக்ஸ்பிரஸின்  அனைத்து செய்திகளையும்உடனுக்குடன்  டெலிகிராம்  ஆப்பில்  பெற https://t.me/ietamil