கங்கனா ரனாவத்தின் கன்னத்தில் அறைந்த சி.ஐ.எஸ்.எஃப் வீரர் குல்விந்தர் கவுருக்கு தந்தை பெரியார் திராவிடர் கழகம் சார்பில் பெரியார் படம் பொறித்த தங்க மோதிரம் பரிசளிக்கப்பட்டுள்ளது.
பஞ்சாபில் போராடும் விவசாயிகளை தீவிரவாதிகள் என்றும், இழிவாகவும் சித்தரித்து பேசிய, புதிதாக தேர்ந்தெடுக்கப்பட்ட பா.ஜ.க பாராளுமன்ற உறுப்பினர் கங்கனா ரனாவத்தை சண்டிகர் விமான நிலையத்தில் சி.ஐ.எஸ்.எஃப் காவலர் குல்விந்தர் கவுர் கன்னத்தில் அறைந்திருக்கிறார்.
![](https://img-cdn.thepublive.com/filters:format(webp)/indian-express-tamil/media/post_attachments/861550ff-337.jpg)
தன் தாய் விவசாயிகள் உரிமைக்காக நடத்திய போராட்டத்தில் கலந்துகொண்டு போராடியவர். தன் தாயையும் தீவிரவாதி என்று சொன்னார் என்பதால் அறைந்தேன் என்று குல்விந்தர் கவுர் கூறியிருக்கிறார்.
விவசாயிகளின் உரிமைக்காகவும் மாநிலத்தின் நலனுக்காகவும் போராடியவர் இந்த காவலரின் தாயார். விவசாயிகள் பக்கம் நின்று தனி ஒரு வீராங்கனை ஆக துணிவோடு எதிர்வினை ஆற்றிய "குல்விந்தர் கவுருக்கு" தந்தை பெரியார் திராவிடர் கழகம் சார்பில் "தந்தை பெரியார்” படம் பொறித்த தங்க மோதிரம் அனுப்பி வைக்கிறோம் என தந்தை பெரியார் திராவிடர் கழகம் தெரிவித்துள்ளது.
பி.ரஹ்மான், கோவை
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“