கோவை பிரபல துணிக்கடையில் தீ விபத்து; புகை மண்டலமாக மாறிய ஒப்பணக்கார வீதி

கோவை ஒப்பணக்கார வீதியில் உள்ள துணிக்கடையில் ஏற்பட்ட தீ நீண்ட போராட்டத்திற்கு பிறகு அணைக்கப்பட்டது. 

கோவையின் முக்கிய வணிக வீதிகளில் ஒன்றான ஒப்பணக்கார வீதியில் ஏராளமான ஜவுளிக்கடைகள் உள்ளன. இங்கு இன்று (அக்டோபர் 22) அதிகாலை லட்சுமி சில்க்ஸ் என்ற கடையில் தீ விபத்து ஏற்பட்டது. தகவல் அறிந்து விரைந்த தீயணைப்பு துறையினர் மேல் மாடி தளத்தில் ஏற்பட்ட தீயை கிரேன் உதவியுடன் தண்ணீரை பீச்சி அடித்து அணைத்தனர். 

கோவை மாநகராட்சி ஆணையாளர் சிவகுரு பிரபாகரன் மற்றும் அதிகாரிகள் சம்பவ இடத்தில் முகாமிட்டு பணிகளை துரிதபடுத்தினார். சுமார் ஒரு மணி நேர போராட்டத்திற்கு பிறகு தீ கட்டுக்குள் கொண்டு வரப்பட்டது. தீ விபத்தால் ஒப்பணக்கார வீதி பகுதி புகை மண்டலமாக காட்சி அளித்தது.