Latest Tamil news updates : மதுரை ராஜாஜி மருத்துவமனையில் உயிரிழந்தவர்கள் தொடர்பாக அறிக்கை அளிக்க உத்தரவு

11-ம் வகுப்பு பொதுத்தேர்வை 16 ஆயிரம் மாணவர்கள் எழுத வரவில்லை என அதிர்ச்சி தகவல் - விசாரணை நடத்தப்படும் என தேர்வுத்துறை அதிரடி அறிவிப்பு.

7 பேர் விடுதலை விவகாரத்தில் இப்படித்தான் முடிவு எடுக்க வேண்டும் என ஆளுநருக்கு அழுத்தம் கொடுக்க கூடாது7 பேர் விடுதலை விவகாரத்தில் இப்படித்தான் முடிவு எடுக்க வேண்டும் என ஆளுநருக்கு அழுத்தம் கொடுக்க கூடாது என காங்கிரஸ் தலைவர் கே.எஸ்.அழகிரி தெரிவித்துள்ளார். 

சூலூரில் மக்கள் நீதி மய்யம் கட்சி தலைவர் கமல் பிரசாரம் செய்ய தடை கோரி கோவை ஆட்சியர் அலுவலகத்தில் புகார் மனு. தேர்தல் பரப்புரைக்கு சென்ற பாலமுருகன் உயிரிழந்ததற்கு கமல் இரங்கல் கூட தெரிவிக்கவில்லை, தொண்டர்களையே கண்டு கொள்ளாத கமல் மக்கள் பிரச்சனைகளை எப்படி போக்குவார் என பால முருகனின் மனைவி கேள்வி 

தூத்துக்குடி துப்பாக்கிச்சூட்டில் உயிரிழந்தவர்களுக்கு நினைவஞ்சலி கூட்டம் நடத்த அனுமதியளித்து  உயர்நீதிமன்ற மதுரைக்கிளை உத்தரவு பிறப்பித்துள்ளது. 

பேரறிவாளன் உள்ளிட்ட 7 பேரை விடுதலை செய்ய எதிர்ப்பு தெரிவித்த மனுவை உச்ச நீதிமன்றம் தள்ளுபடி செய்துள்ளது. காங்கிரசின் அமெரிக்கை நாராயணன், ராம சுகந்தன் ஆகியோரும், குண்டுவெடிப்பில் உயிரிழந்த 4 பேரின் குடும்பத்தினரும் இணைந்து இந்த வழக்கினை தொடுத்திருந்தார்கள். 

தமிழகத்தில் மறுவாக்குப்பதிவு நடைபெறும் 13 வாக்குச்சாவடிகளின் விவரத்தை வெளியிட்டது தேர்தல் ஆணையம்!

பெட்ரோல் விலை 16 காசுகள் குறைந்து லிட்டர் ரூ 75.63-க்கும், டீசல் 7 காசுகள் குறைந்து ரூ 70.36-க்கும் விற்பனையாகின்றது. 

ஓட்டபிடாரம் தொகுதிக்குட்பட்ட வசப்பபுரத்தில் முன்னாள் தமிழக காங்கிரஸ் தலைவர் திருநாவுகரசர் திமுக வேட்பாளர் சண்முகையாவை ஆதரித்து நேற்று வாக்கு சேகரித்தார்.

அப்போது பேசிய அவர், ”22 தொகுதி இடைத்தேர்தலிலும் திமுக வெற்றி அடைந்து, பொதுத்தேர்தல் இல்லாமலேயே திமுக தலைவர் ஸ்டாலின் தலைமையில் ஆட்சி அமையும்" என்று தெரிவித்தார். மேலும் மத்தியிலும், மாநிலத்திலும் நடைபெற்று வரும் மக்களுக்கு எதிரான ஆட்சி அகற்றபட வேண்டும் எனவும் திருநாவுகரசர் தெரிவித்தார்.