கூட்டணி பேச்சுவார்த்தைக்கு இடையே ரிலாக்ஸாக இறகு பந்து விளையாடிய மு.க.ஸ்டாலின்!

இந்த சீசன் அரசியல்வாதிகள் விளையாடும் சீசன் போலிருக்கிறது. கடந்த சில தினங்களுக்கு முன்னர் தான் அ.தி.மு.க அமைச்சர் ஜெயக்குமார் கிரிக்கெட் விளையாடினார். இன்று தி.மு.க தலைவர் மு.க.ஸ்டாலின் பேட்மிண்டன் விளையாடி இருக்கிறார்.

 மு.க.ஸ்டாலின் அவரது தொகுதியான கொளத்தூரில், ’அனிதா அச்சீவர்ஸ் அகாடமி’ என்ற பயிற்சி நிலையத்தை இன்று திறந்து வைத்தார். அதோடு கால்பந்து, இறகு பந்து, கை பந்து ஆகியவற்றிற்கான ஆடுகளங்கள், உடற்பயிற்சி கூடம் - மேம்படுத்தப்பட்ட மதுரைசாமி மடம் விளையாட்டு மைதானம் ஆகியவற்றையும் திறந்து வைத்து, நலத்திட்ட உதவிகள் வழங்கினார்.

முக்கியமாக இறகு பந்து மைதானத்தை திறந்து வைத்த அவர், ஒரு பேட்மிண்டன் ஆட்டக்காரரோடு விளையாடவும் செய்தார். அந்த வீடியோவை தற்போது இனையத்தில் டிரெண்ட் செய்து வருகிறார்கள் தி.மு.க உடன்பிறப்புகள்.

நன்றி - நியூஸ் 7 தமிழ்