மதுரை ரயிலில் பயணியை பாம்பு கடித்ததால் அதிர்ச்சி; உடனடியாக மருத்துவமனையில் அனுமதி

கேரளாவின் கோட்டயத்தில் மதுரை - குருவாயூர் பயணிகள் விரைவு ரயிலில் மதுரையைச் சேர்ந்த பயணி ஒருவரை பாம்பு கடித்த சம்பவம் அதிர்ச்சியையும் பரபரப்பையும் ஏற்படுத்தியுள்ளது.

கேரளாவில் இருந்து மதுரையை நோக்கி வந்துகொண்டிருந்தபோது திங்கள்கிழமை கோட்டயத்தில், மதுரை - குருவாயூர் பயணிகள் விரைவு ரயிலில் பயணி ஒருவரை பாம்பு கடித்தது. பாம்பு கடியால் பாதிக்கப்பட்ட ரயில் பயணி மதுரையைச் சேர்ந்த கார்த்திக் என்று அடையாளம் காணப்பட்டுள்ளார். 

மதுரை - குருவாயூர் ரயிலில் ஆறாவது பெட்டியில் பயணித்த கார்த்தியை பாம்பு கடித்ததை அடுத்து, ரயில் உடனடியாக எட்டுமானூர் ரயில் நிலையத்தில் நிறுத்தப்பட்டது. ஏட்டுமானூர் ரயில் நிலையத்தில் இறக்கப்பட்டு அவர் எட்டுமானூர் மருத்துவக் கல்லூரி மருத்துவமனைக்கு மாற்றப்பட்டதாக போலீஸார் தெரிவித்தனர். 

“அவருக்கு பெரிய அளவில் பாதிப்பு இல்லை, அவரது உடல்நிலை சீராக உள்ளது” என்று ரயில்வே போலீஸ் அதிகாரி ஒருவர் தெரிவித்தார். மேலும், இருக்கைக்கு அடியில் பாம்பு இருந்ததைப் பார்த்ததாக அவரது சக பயணிகள் தெரிவித்தனர். இந்த சம்பவத்தை தொடர்ந்து ஏட்டுமானூர் ஸ்டேஷனில் 10 நிமிடம் ரயில் நிறுத்தப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“