MGR 105th birthday Tamil News: தமிழகத்தின் முன்னாள் முதலமைச்சரும், அஇஅதிமுகவின் நிறுவனருமான ‘பாரத ரத்னா’ டாக்டர் எம்.ஜி.ஆரின் 105-வது பிறந்த நாள் விழா மாநிலம் முழுவதும் உள்ள அனைத்து மாவட்டங்களிலும் இன்று கொண்டப்படுகிறது. இந்த விழாவை முன்னிட்டு காலை 10 மணியளவில் சென்னை, கிண்டி தமிழ்நாடு டாக்டர் எம்.ஜி.ஆர். மருத்துவ பல்கலைக்கழக வளாகத்தில் அமைந்துள்ள அன்னாரின் உருவச்சிலைக்கு தமிழ்நாடு அரசின் சார்பில், அமைச்சர்கள், நாடாளுமன்ற – சட்டமன்ற உறுப்பினர்கள் மற்றும் அரசு உயர் அலுவலர்கள் ஆகியோர் பங்கேற்று மாலை அணிவித்து மரியாதை செலுத்தினர்.
இதற்கிடையில், அரசியல் தலைவர்கள் மற்றும் பிரபலங்கள் பலரும் அன்னாரின் புகைப்படத்தை தங்களின் சமூக வலைதள பக்கங்களில் பகிர்ந்து புகழ் வணக்கம் தெரிவித்து வருகின்றனர்.
இன்று புரட்சித்தலைவர் டாக்டர் எம்.ஜி.ஆர் அவர்களின் 105ஆவது பிறந்த நாளை முன்னிட்டு அவர்களின் படத்திற்கு மலர் தூவி மரியாதை செலுத்தப்பட்டது. #masubramanian #TNhealthminister #MGRamachandran pic.twitter.com/Q2b216Xga3
— Subramanian.Ma (@Subramanian_ma) January 17, 2022
பிரதமர் மோடி தமிழில் டுவீட்
இந்த நிலையில், எம்.ஜி.ஆரின் பிறந்த நாளையொட்டி பிரதமர் மோடி தமிழில் டுவீட் செய்துள்ளார். தனது ட்விட்டர் பக்கத்தில் அவர், “பாரத ரத்னா எம்.ஜி.ஆரை அவரது பிறந்தநாளில் நினைவு கூர்கிறேன். சமூகநீதி, அதிகாரமளித்தல் ஆகியவற்றில் முதன்மையான சிறந்த தலைவராக அவர் பரவலாகப் போற்றப்படுகிறார். அவரது திட்டங்கள் ஏழைகளின் வாழ்வில் பெரும் மாற்றத்தை கொண்டு வந்தன. அவரது திரையுலக பெருந்திறனும் அனைவராலும் போற்றப்படுகிறது!” என்று பதிவிட்டுள்ளார்.
அவரது திரையுலக பெருந்திறனும் அனைவராலும் போற்றப்படுகிறது!
— Narendra Modi (@narendramodi) January 17, 2022
எதிர்க்கட்சி தலைவர் புகழ் வணக்கம்
அஇஅதிமுகவின் ஒருங்கிணைப்பாளரும், சட்டப்பேரவை எதிர்கட்சித் தலைவருமான எடப்பாடி கே பழனிசாமி தனது ட்விட்டர் பக்கத்தில், “அள்ளி அள்ளிக் கொடுத்து சிவந்த கரங்களுக்கு சொந்தக்காரர், கடைநிலை தொழிலாளியையும் மதிக்கும் பண்பாளர்,சரித்திர திட்டங்களால் தமிழகத்தின் தாயுமானவராய் வாழ்ந்து,கோடிக் கணக்கான இதயங்களில் அழியாப் புகழுடன் இதயதெய்வமாக வீற்றிருக்கும் எங்கள் #புரட்சித்தலைவர்105 பிறந்தநாள் புகழ் வணக்கங்கள்.” என்று பதிவிட்டுள்ளார்.
அள்ளி அள்ளிக் கொடுத்து சிவந்த கரங்களுக்கு சொந்தக்காரர்,
— Edappadi K Palaniswami (@EPSTamilNadu) January 17, 2022
கடைநிலை தொழிலாளியையும் மதிக்கும் பண்பாளர்,சரித்திர திட்டங்களால் தமிழகத்தின் தாயுமானவராய் வாழ்ந்து,கோடிக் கணக்கான இதயங்களில் அழியாப் புகழுடன் இதயதெய்வமாக வீற்றிருக்கும் எங்கள் #புரட்சித்தலைவர்105 பிறந்தநாள் புகழ் வணக்கங்கள். pic.twitter.com/sRfL3wuF5B
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
