எதிர்க்கட்சிகள் ஜனநாயகத்தின் அங்கம்; ஒரு முதலமைச்சரை இப்படித்தான் நடத்துவதா? மு.க. ஸ்டாலின்

மேற்கு வங்க முதலமைச்சர் மம்தா பானர்ஜி, மாநிலங்கள் தங்கள் கவலைகளை பிரதமரிடம் தெரிவிக்க டெல்லியில் நடைபெற்ற முக்கிய நிதி ஆயோக் கூட்டத்தில் "அரசியல் பாகுபாடு" என்று குற்றம் சாட்டினார்.

மற்ற அனைத்து இந்தியா கூட்டணி கட்சித் தலைவர்களும் நிகழ்வைப் புறக்கணித்த நிலையில், கூட்டத்தில் கலந்துகொண்ட பாஜக அல்லாத ஆளும் மாநிலத்திலிருந்து பானர்ஜி மட்டுமே ஆவார்.

கூட்டத்திலிருந்து வெளியேறிய பிறகு, திரிணாமுல் தலைவர் தனது மைக் முடக்கப்பட்டதாகவும், 5 நிமிடங்கள் மட்டுமே பேச அனுமதிக்கப்பட்டதாகவும் கூறினார்.

இது குறித்து அவர், "மாநில அரசுகளுக்கு எதிராக நீங்கள் (மத்திய அரசு) பாரபட்சம் காட்டக்கூடாது என்று நான் கூறினேன். நான் பேச விரும்பினேன், ஆனால் எனது மைக் ஒலியடக்கப்பட்டது. நான் 5 நிமிடம் மட்டுமே பேச அனுமதிக்கப்பட்டேன். எனக்கு முன் இருந்தவர்கள் 10-20 நிமிடங்கள் பேசினர்" என்றார்.

Is this #CooperativeFederalism?



Is this the way to treat a Chief Minister?



The Union BJP government must understand that opposition parties are an integral part of our democracy and should not be treated as enemies to be silenced.



Cooperative Federalism requires dialogue and… https://t.co/Y6TKmLUElG

— M.K.Stalin (@mkstalin) July 27, 2024

இந்த நிலையில் தமிழ்நாடு முதல் அமைச்சர் மு.க. ஸ்டாலின், “இதுதான் கூட்டாட்சியா? ஒரு முதலமைச்சரை இப்படித்தான் நடத்துவதா?

எதிர்க்கட்சிகள் நமது ஜனநாயகத்தின் ஒரு அங்கம் என்பதை மத்திய பாஜக அரசு புரிந்து கொள்ள வேண்டும். கூட்டுறவு கூட்டாட்சிக்கு அனைத்து குரல்களுக்கும் மரியாதை தேவை” எனத் தெரிவித்துள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“