10 ஆண்டுகால ஆட்சியில் சாதனைகள் இல்லை; முழுமை பெறாத ராமர் கோவில் திறப்பு: மு.க ஸ்டாலின்

முன்னாள் மத்திய அமைச்சரும், திமுக பொருளாளருமான டி.ஆர் பாலுவின் புத்தகங்களை,  முதலமைச்சர் மு.க ஸ்டாலின் சென்னையில் செவ்வாய்க்கிழமை வெளியிட்டார்.
அப்போது,  மத்திய பாஜக ஆட்சியை அவர் கடுமையாக விமர்சித்து பேசினார்.

"பாஜக கடந்த பத்து ஆண்டு காலத்தில் மக்களுக்கு அளித்த எந்த வாக்குறுதியையும் நிறைவேற்ற வில்லை; தேசிய பேரிடர் நிவாரண நிதியில் இருந்து தமிழ்நாட்டிற்கு நிவாரணம் இதுவரை வழங்கவில்லை.

அயோத்தியில் திங்கள்கிழமை முழுமை பெறாத ராமர் கோவில் திறக்கப்பட்டுள்ளது. ராமர் கோவிலை காண்பித்து மக்களை திசை திருப்புகிறது.
மக்களவைத் தேர்தலில் பாரதிய ஜனதா கட்சியின் சாதனைகள் என சொல்லிக்கொள்ள அவர்களிடம் எதுவும் இல்லை. பாஜகவின் தந்திர அரசியலுக்கு மக்கள் சரியான பாடம் புகட்டுவார்கள். இது உறுதி" என்றார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“