MK Stalin Press Meet: பொதுமக்கள் மனுக்களுக்கு ரசீது; ஆட்சிக்கு வந்து 100 நாட்களில் தீர்வு- மு.க.ஸ்டாலின்

‘ஜன.29 முதல் புதிய கோணத்தில் தேர்தல் பிரசாரம் செய்ய திட்டமிட்டுள்ளேன்;  மக்கள் பிரச்னைகள் தொடர்பான மனுக்களை நானே சேகரித்து, சீல் வைத்து மக்களுக்கு ரசீது வழங்குவேன்! திமுக ஆட்சிக்கு வந்ததும் 100 நாட்களில் போர்க்கால அடிப்படையில் பிரச்னைகளுக்கு தீர்வு காணப்படும். ’ என கோபாலபுரம் கருணாநிதி இல்லத்தில் திமுக தலைவர் ஸ்டாலின் செய்தியாளர்களுக்கு பேட்டி அளித்தார்.

'உங்கள் தொகுதியில் ஸ்டாலின்' என்ற புதிய தேர்தல் பிரசாரத்தை திருவண்ணாமலையில் இருந்து தொடங்குகிறார் திமுக தலைவர் ஸ்டாலின்.

இந்த பிரஸ்மீட்டில் திமுக.வின் 100 நாள் செயல் திட்டத்தை ஸ்டாலின் அறிவித்தார். பொதுமக்கள் தங்கள் குறைகளை ஸ்டாலின் அணி இணையதளத்தில் பதிவு செய்யலாம். ஆட்சிக்கு வந்ததும் அவை நிறைவேற்றப்படும் என ஸ்டாலின் கூறினார்.

அடுத்தகட்ட பிரசாரப் பயணத்திற்கு, ‘உங்கள் தொகுதியில் ஸ்டாலின்’ என பெயரிட்டார் ஸ்டாலின். திருவண்ணாமலையில் இந்தப் பயணம் தொடங்க இருக்கிறது. கருணாநிதியைப் போல சொன்னதைத் செய்வேன் என உணர்த்தவே கலைஞர் இல்லத்தை பிரஸ்மீட்டுக்கு தேர்வு செய்ததாக ஸ்டாலின் கூறினார்.

#உங்கள்தொகுதியில்_ஸ்டாலின்: முத்தமிழறிஞர் கலைஞர் இல்லத்தில் செய்தியாளர் சந்திப்பு- நேரலை! https://t.co/UUpEufYfLx

— M.K.Stalin (@mkstalin) January 25, 2021

‘மு.க.ஸ்டாலின் ஆகிய நான் தமிழ்நாட்டு மக்கள் முன்னிலையில் ஒரு உறுதி அளிக்கிறேன். உங்கள் பிரச்னைகளை தீர்ப்பதே எனது முதல் பணி. எனது ஆட்சியின் முதல் 100 நாட்கள் உங்கள் பிரச்னைகளை தீர்க்க முன்னுரிமை அளிக்கப்படும். இதை அறிவிப்பதே இந்த பிரஸ்மீட் நோக்கம்’ என அறிவித்தார்

திமுக பொதுச்செயலாளர் துரைமுருகன் அருகில் நிற்க, மீடியாவை சந்தித்து வருகிறார் மு.க.ஸ்டாலின். விவசாயிகள் படும் துயரம் குறித்து பேசி வருகிறார். கொரோனா காலத்தில் மாநில அரசு உதவி செய்யாதது பற்றியும் குறிப்பிட்டார்.

தேர்தல் பிரசாரக் கூட்டங்களில், ‘நேருக்கு நேர் விவாதிக்கத் தயாரா?’ என முதல்வர் எடப்பாடி பழனிசாமி சவால் விடுத்து வருகிறார். தவிர, அண்மையில் திருத்தணி அம்மையார்குப்பம் மக்கள் கிராமசபைக் கூட்டத்தில் மு.க.ஸ்டாலின் வேல் ஏந்தியது விவாதங்களை கிளப்பியது.

இவை குறித்தும் இன்றைய பிரஸ்மீட்டில் ஸ்டாலின் பதில் அளிப்பார் என எதிர்பார்க்கப்படுகிறது. காலை 11 மணிக்கு பிரஸ்மீட் தொடங்கும்.