வங்காள விரிகுடாவில் உருவாகும் காற்றழுத்த தாழ்வு நிலை, இந்த வார இறுதியில் சூறாவளி புயலாக வலுப்பெறும் என்று இந்திய வானிலை ஆய்வு மையம் தகவல் தெரிவித்துள்ளது.
தற்போது வரும் சூறாவளிக்கு யேமன் நாட்டில் ‘மோச்சா’ என்று பெயரிட்டுள்ளனர். மத்திய வங்காள விரிகுடாவில் வடக்கு நோக்கி நகரக்கூடும் என்று கணித்துள்ளனர்.
அடுத்த இரண்டு நாட்களுக்கு, மழையின் தீவிரம் குறையும் என்று இந்திய வானிலை ஆய்வு மையம் கணித்துள்ளது, ஆனால் சென்னையிலும் புறநகர்ப் பகுதிகளிலும் வானிலை இனிமையாக இருப்பதால் வரும் நாட்களில் வெப்பநிலை இயல்பை விட கணிசமான அளவில் குறைய வாய்ப்புள்ளது.
செவ்வாய்க்கிழமை, தென்கிழக்கு வங்காள விரிகுடாவில் மே 6 ஆம் தேதி ஒரு சூறாவளி சுழற்சி உருவாகக்கூடும் என்றும், அதன் தாக்கத்தால் மே 7 ஆம் தேதி அதே பகுதியில் குறைந்த காற்றழுத்த தாழ்வு பகுதி உருவாக வாய்ப்புள்ளது என்றும் சென்னை ஆர்.எம்.சி., துணை இயக்குநர் ஜெனரல் பாலச்சந்திரன் தெரிவித்தார்.
மே 8 ஆம் தேதி தென்கிழக்கு வங்காள விரிகுடாவில் காற்றழுத்த தாழ்வு மண்டலமாக தீவிரமடையும் என்று இந்திய வானிலை ஆய்வு மையம் நேற்று கணித்துள்ளது.
அடுத்த 48 மணி நேரத்திற்கு, சென்னை மற்றும் புறநகர் பகுதிகளில் சில இடங்களில் லேசான இடியுடன் கூடிய மழை பெய்யக்கூடும். வானம் பொதுவாக மேகமூட்டத்துடன் இருக்கும் மற்றும் வெப்பநிலை அதிகபட்சமாக சுமார் 32-33 டிகிரி செல்சியஸாகவும், குறைந்தபட்சம் 26-27 டிகிரி செல்சியஸாகவும் இருக்கலாம்.
புதன் அன்று, நகரம் பொதுவாக மேகமூட்டத்துடன் காணப்பட்டதால் சில இடங்களில் லேசான மழை பெய்தது. இதனால் நுங்கம்பாக்கம் மற்றும் மீனம்பாக்கம் ஆய்வகங்களில் வெப்பநிலை இயல்பை விட 5.1 டிகிரி செல்சியஸ் மற்றும் 5.7 டிகிரி செல்சியஸ் குறைவாக இருந்தது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
