நெல்லை மீண்டும் அதிர்ச்சி : சக மாணவரை அரிவாளால் வெட்டி தப்பியோடிய 9ம் வகுப்பு மாணவர்

நெல்லை மாவட்டம் விஜய நாராயணம் அருகே உள்ள கேந்திரிய வித்யாலயா பள்ளியில் சக மாணவரை அரிவாளால் 9ம் வகுப்பு மாணவர் வெட்டிய சம்பவம் பெரும் அதிர்ச்சியை ஏற்படுத்தி உள்ளது. 
அரிவாளால் தாக்கியதில் தலையில் காயம் ஏற்பட்ட மாணவருக்கு நெல்லை அரசு மருத்துவ கல்லூரி மருத்துவமனையில் சிகிச்சை அளிக்கப்பட்டு வருகிறது. ஒரே வகுப்பில் படிக்கும் மாணவர்கள் இடையே தண்ணீரை சிந்தியதில் வாக்குவாதம் ஏற்பட்டதாகவும், ஒரு கட்டத்தில் வீட்டில் இருந்து சிறிய ரக அரிவாளை எடுத்து சென்று சக மாணவரை 9ம் வகுப்பு மாணவர் வெட்டியதாகவும், முதல்கட்ட விசாரணையில் தெரிய வந்துள்ளது. 
அரிவாளால் தாக்கி விட்டு அந்த மாணவர் தப்பியோடியதாக நாங்குநேரி ஏ.எஸ்.பி டாக்டர் பிரசன்ன குமார் தகவல் தெரிவித்துள்ளார். தற்போது அரிவாளால் வெட்டிய மாணவர் தலைமறைவாக இருப்பதாகவும் அவரை வலைவீசி தேடி வருவதாகவும் போலீசார் தெரிவித்துள்ளனர். 
நெல்லை மாவட்டத்தில் இதற்கு முன்பாக மாணவர்கள் மத்தில் உள்ள சாதி பாகுபாட்டால், சக மாணவரை தாக்கும் சம்பவம் நடந்துள்ளது குறிப்பிடதக்கது.