4 ஏக்கர் பரப்பு, 46 பஸ் நிறுத்தும் வசதி: புதுச்சேரியில் புதிய பேருந்து நிலையம் திறப்பு

புதுச்சேரி மறைமலை அடிகள் சாலையில் நகராட்சி பழைய பேருந்து நிலையத்தை பொலிவுறு நகா் திட்டத்தில் 4 ஏக்கர் பரப்பளவில் 46 பேருந்துகள் நிறுத்தும் வசதி, 31 கடைகளுடன் ரூ.29.50 கோடியில் மேம்படுத்த 2023-ல் முதல்வா் ரங்கசாமியால் அடிக்கல் நாட்டப்பட்டது. இந்த நிலையில், அனைத்து நவீன வசதிகளுடன் பேருந்து நிலைய பணிகள் நிறைவடைந்தது. 

இங்கு நகரப் பேருந்துகள், புறநகர் பேருந்துகள், மினி பேருந்துகள் மற்றும் ஆம்னி பேருந்துகளுக்கு தனித்தனியாக நடைமேடைகள் உள்ளன. பயணிகளுக்காக காத்திருப்பு கூடம், ஓட்டல்கள், டிக்கெட் முன்பதிவு மையம், லாக்கர் அறை, கழிப்பறைகள், ஏ.டி.எம்., தங்கும் விடுதிகள், பார்க்கிங் போன்ற நவீன வசதிகள் உள்ளன.

இதையடுத்து வெள்ளிக்கிழமை (மே 2) காலை 9.40 மணியளவில் சீரமைக்கப்பட்ட இந்த பேருந்து நிலையத்தை மக்கள் பயன்பாட்டுக்காக துணைநிலை ஆளுநா் கே.கைலாஷ்நாதன், முதல்வா் என்.ரங்கசாமி ஆகியோா் திறந்து வைத்து, பேருந்து சேவையை கொடியசைத்துத் தொடங்கி வைத்தனர். பின்னர் பொலிவுறு நகர் பேருந்து முனைய வளாகத்தினை சுற்றிப் பார்வையிட்டனர். நிகழ்ச்சியில், சட்டப் பேரவைத் தலைவா் ஆா்.செல்வம், உள்துறை அமைச்சர் நமச்சிவாயம் மற்றும் அமைச்சா்கள், மக்களவை, மாநிலங்களவை உறுப்பினா்கள், எம்.எல்.ஏ.க்கள் உள்ளிட்டோா் கலந்துகொண்டனர்.