வளாகத்தில் புதைக்கப்பட்ட 20 உடல்கள்: நீலகிரியில் உள்ள மனநல காப்பகத்துக்கு சீல்

நீலகிரி மாவட்டத்தில் உள்ள குந்தலாடியில் மனநல காப்பகத்துக்கு அதிகாரிகள் சீல் வைத்துள்ளனர்.

பல்வேறு அதிகாரப்பூர்வ ஆதாரங்களின்படி, கேரளாவை சேர்ந்த ஒருவர் நடத்தி வந்த லவ் ஷோர் என்ற மனநல காப்பகத்துக்கு போலீஸார் சீல் வைத்துள்ளனர் மற்றும் அங்கிருந்த13 பேரை கோவைக்கு அருகிலுள்ள ஒரு இடத்துக்கு மாற்றியுள்ளனர்.

மேலும், நெல்லியாளம் கிராம நிர்வாக அலுவலர் சண்முகம் அளித்த புகாரின் பேரில் கேரள முதியவர் மற்றும் அவரது மனைவியிடம் போலீசார் விசாரணை நடத்தி வருகின்றனர்.

அதிகாரிகளுக்கு தெரிவிக்காமல் 20 உடல்கள் புதைக்கப்பட்டிருக்கலாம் என உள்ளூர் மருத்துவர் அளித்த தகவலின் பேரில் இந்த விசாரணை தொடங்கியது.

விசாரணை நடத்தி வரும் நிலக்கோட்டை காவல் நிலைய அதிகாரி ஒருவரை தொடர்பு கொண்டபோது, ​​கூறப்படும் இடத்தில் போலீசார் இன்னும் தோண்டவில்லை. மேலதிக விசாரணை இல்லாமல், குற்றச்சாட்டுகளை நாங்கள் உறுதிப்படுத்தவோ மறுக்கவோ முடியாது, என்றார்.

இருப்பினும், ஆதாரங்களின்படி, செவ்வாயன்று காப்பகத்தில் நடத்தப்பட்ட ஆய்வில், அதன் உரிமம் 18 ஆண்டுகளுக்கு முன்பு காலாவதியானது மற்றும் புதுப்பிக்கப்படவில்லை.

இதுதொடர்பாக எந்த உறவினர்களும் அதிகாரிகளை தொடர்பு கொள்ளவில்லை, அங்கிருந்த நோயாளிகளை பார்க்கவில்லை, அவர்களில் பெரும்பாலோர் கேரளாவைச் சேர்ந்த ஆதரவற்றவர்கள் என்றும் தெரியவந்துள்ளது.

மாநில மாற்றுத்திறனாளிகளுக்கான துறையைச் சேர்ந்த அதிகாரி ஒருவர் கூறுகையில், இந்த காப்பகம் 1999 ஆம் ஆண்டில் கேரளாவைச் சேர்ந்த நான்கு உறுப்பினர்களைக் கொண்ட அறக்கட்டளையாக பதிவு செய்யப்பட்டுள்ளது, என்றார்.

ஆனால் இப்போது விசாரணை ஆரம்ப கட்டத்தில் உள்ளதால் கூடுதல் விவரங்களை வழங்க அவர் மறுத்துவிட்டார்.

இதற்கிடையில், கூடலூர் கோட்ட வருவாய் அலுவலக அதிகாரி ஒருவர் – குந்தலாடி நோயாளிகள் மற்றும் அவர்கள் பெறும் சிகிச்சைகள் குறித்து மிகக் குறைவான பதிவுகள் இருப்பதாகவும், நோயாளிகள் அவர்களின் உண்மையான பெயர்களில் பதிவு செய்யப்பட்டுள்ளார்களா என்பதையும் புலனாய்வாளர்கள் ஆய்வு செய்து வருவதாகக் கூறினார்.

Read in English: Amid claims that 20 bodies were buried on premises, mental health centre in Tamil Nadu is sealed

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“