Thoothukkudi Lok Sabha Election Results 2024: தூத்துக்குடியில் மீண்டும் கனிமொழி வெற்றி

தூத்துக்குடி மக்களவை தொகுதி தேர்தல் முடிவுகள் – 2024

தமிழ்நாட்டின் 39 மக்களவை தொகுதிகளுள், தூத்துக்குடி 36 வது தொகுதியாகும். இதில் தூத்துக்குடி, திருச்செந்தூர், கோவில்பட்டி, ஸ்ரீவைகுண்டம், ஒட்டபிடாரம், விளாத்திகுளம் சட்டமன்ற தொகுதிகளை கொண்டது. இந்த தொகுதியில் ஆண் வாக்காளர்கள்- 7,08,234, பெண் வாக்காளர்கள் -7,39,710, மூன்றாம் பாலின வாக்காளர்கள்- 215 பேரும் மொத்தம் 14,48,159 வாக்காளர்கள் உள்ளனர்.

2024ம் ஆண்டு தூத்துக்குடி மக்களவை தொகுதியில் தி.மு.க சார்பாக கனிமொழியும், அ.தி.மு.க சார்பாக சிவசாமி வேலுமணியும், பா.ஜ.க சார்பாக ஸ்.டி.ஆர்.விஜயசீலன் ( த.மா.கா), நாம் தமிழர் கட்சி சார்பாக ரொவினா ரூத் ஜேன் போட்டியிடுகிறார். தூத்துக்குடியில் ஏப்ரல் 19ம் தேதி நடைபெற்ற வாக்குப்பதிவில் 66.88 % வாக்குபதிவாகி உள்ளது. மூன்று மக்களவைத் தேர்தலில் 2 முறை தி.மு.கவும், ஒரு முறை அ.தி.மு.கவும் வெற்றி பெற்றுள்ளது.

இன்று காலை 8 மணி முதல் வாக்கு எண்ணிக்கை நடைபெற்றது. வாக்கு எண்ணிக்கை முடிவில், தி.மு.க சார்பாக போட்டியிட்ட கனிமொழி – 4,26, 617 (54.38%) வாக்குகள் பெற்று வெற்றிபெற்றுள்ளார். அ.தி.மு.க வேட்பாளர் சிவசாமி வேலுமணி 1,23,214 ( 15.71%) பெற்றுள்ளார். நாம் தமிழர் கட்சியின் வேட்பாளர் ரவினா ரூத் ஜெயின் 1,01,065 ( 12.88%) வாக்குகள் பெற்றுள்ளார். தமிழ் மாநில காங்கிரஸ் சார்பாக போட்டியிட்ட விஜயசீலன் எஸ்.டி.ஆர் 9,38,69 ( 11.96%) பெற்றுள்ளார்.

கடந்த கால தேர்தல் முடிவுகள்

2019 தூத்துக்குடி மக்களவைத் தொகுதி தேர்தல் முடிவுகள்:கனிமொழி (தி.மு.க) 5,63,143 வாக்குகள், தமிழிசை சௌந்தரராஜன் (பா.ஜ.க) 2,15,934 வாக்குகள்.

2014 தூத்துக்குடி மக்களவைத் தொகுதி தேர்தல் முடிவுகள்: ஜெயசிங் தியாகராஜ் நாட்டர்ஜி (அ.தி.மு.க) 3,66,052 வாக்குகள், பி. ஜெகன் (தி.மு.க) 2,42,050 வாக்குகள்.

2009 தூத்துக்குடி மக்களவைத் தொகுதி தேர்தல் முடிவுகள்: எஸ். ஆர். ஜெயதுரை (தி.மு.க) 3,11,017 வாக்குகள், சிந்தியா பாண்டியன் (அ.தி.மு.க) 2,34,368 வாக்குகள்.