பெரம்பலூர் தனியார் டி.வி ஷோரூமில் தீ விபத்து: ஒரு கோடி மதிப்புள்ள பொருட்கள் எரிந்து நாசம்

பெரம்பலூர் வெங்கடேசபுரத்தில் தனியார் டி.வி ஷோரூமில் ஏற்பட்ட தீ விபத்தில் ரூ.15 லட்சம் ரொக்கம் உள்பட ஒரு கோடி மதிப்புள்ள பொருட்கள் எரிந்து நாசமடைந்தது. இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.  

பெரம்பலூர் வெங்கடேசபுரத்தில், தனியாருக்கு, சொந்தமான டிவி ஷோரூம் இயங்கி வருகிறது. அங்கு இன்று அதிகாலை திடீரென தீப்பற்றி எரியத் தொடங்கியது. அக்கம்பக்கத்தில் உள்ளவர்கள், கடை தீப்பற்றி எரிவது குறித்து மேனஜர் சவுந்தருக்கு போன் மூலம் தகவல் தெரிவித்துள்ளனர்.  

இதனையடுத்து, அனைத்து கடை  ஊழியர்களும் சம்பவ இடத்துக்கு வந்து தீயை அணைக்கும் முயற்சியில் ஈடுபட்டனர். இதுகுறித்து தகவல் அறிந்த தீயணைப்பு வீரர்கள் சம்பவ இடத்திற்கு வந்து தீயை அணைத்தனர். மேலும், தீ பரவாமல் கட்டுக்குள் கொண்டு வந்தனர். 

இது குறித்து புகாரின் பேரில், வழக்குப் பதிவு செய்த, பெரம்பலூர் டவுன் போலீசார் தீ விபத்திற்கான காரணம் குறித்து தீவிர விசாரணை நடத்தி வருகின்றனர். இந்த சம்பவம் இன்று அப்பகுதியில் பெரும் பரபரப்பை ஏற்படுத்தியது. முதற்கட்ட விசாரணையில், ரூ.15 லட்சம் ரொக்கம் உள்பட ஒரு கோடி மதிப்புள்ள பொருட்கள் இருந்து நாசமானதாக கூறப்படுகிறது.

செய்தி: க.சண்முகவடிவேல்.