/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2021/01/modi-1.jpg)
Tamil News: தைப்பொங்கலையொட்டி தமிழர்களின் வீர விளையாட்டான ஜல்லிக்கட்டு, ஆண்டுதோறும் நடத்தப்பட்டு வருகிறது. இந்தாண்டு, முதல் போட்டி, மதுரை மாவட்டம் அவனியாபுரத்தில் இன்று தொடங்கியது.
சேலம், திருச்சி, புதுக்கோட்டை ஆகிய மூன்று மாவட்டங்களில் ஜல்லிக்கட்டு நடத்த அனுமதி அளித்து தமிழக அரசு அரசாணையை வெளியிட்டது.
அதன்படி, 'புதுக்கோட்டை மாவட்டம் திருமயம் அருகே உள்ள ராயபுரத்திலும், சேலம் மாவட்டம் ஆத்தூர் அருகே உள்ள கூலமேட்டிலும், திருச்சி மாவட்டம் திருவெறும்பூர் அருகே சூரியூரிலும் ஜனவரி 15- ஆம் தேதி முதல் ஜனவரி 31- ஆம் தேதி வரை ஜல்லிக்கட்டு நடத்த அனுமதி அளிக்கப்படுகிறது' என தெரிவிக்கப்பட்டுள்ளது.
பொங்கல் பண்டிகையையொட்டி, உலகப் புகழ்பெற்ற மதுரை மாவட்டம், அவனியாபுரத்தில் நாளை (14/01/2021) ஜல்லிக்கட்டு நடத்த ஏற்கனவே தமிழக அரசு அனுமதி அளித்து, அதற்கான அரசாணையும் வெளியிடப்பட்டுள்ளது. அதைத் தொடர்ந்து அடுத்தடுத்த நாட்களில் அலங்காநல்லூர் மற்றும் பாலமேட்டில் ஜல்லிக்கட்டு நடைபெற உள்ளது என்பது குறிப்பிடத்தக்கது.
காங்கிரஸ் முன்னாள் தலைவரும், அக்கட்சியின் எம்.பி.யுான ராகுல் காந்தி, மூன்று நாட்கள் சுற்றுப் பயணம் இன்று (ஜனவரி 14) தமிழகம் வரவுள்ளார்.அனைவருக்கும் எனது இனிய பொங்கல் நல்வாழ்த்துக்கள் மதுரை ஜல்லிக்கட்டு விழாவில் பங்கேற்க இன்று தமிழகம் வருகிறேன் என ராகுல்காந்தி ட்வீட்
ராகுல் காந்தியின் ஜல்லிக்கட்டு சிறப்பு நிகழ்ச்சியை லைவாக காண..
சென்னை பரங்கிமலை பகுதியில் காவல்துறை சார்பில் நடைபெறும் பொங்கல் விழாவில் முதலமைச்சர் பழனிசாமி பங்கேற்பு
Live Blog
Pongal tamil Jallikattu : தை திருநாள் சிறப்பு நாளில் தமிழர் பாரம்பரிய விளையாட்டான ஜல்லிக்கட்டு லைவ் பிளாக் இதோ
மகாராஷ்டிராவில் விவசாயிகளுக்கு உதவிடும் வகையில் கடன் தள்ளுபடி திட்டத்தை பாரத் ஸ்டேட் வங்கி அறிவித்துள்ளது. திட்டத்தின் கீழ், கடந்த 2 ஆண்டுகளாக நிலுவiயில் உள்ள கடன் தொகையில் 20 சதவீதத்தை செலுத்தினால் மீதமுள்ள 80 சதவீதம் கடன் தொகை தள்ளுபடி செய்யப்படும் என்றும் அதே சமயம் விவசாயிகளுக்கு புதிய விவசாய கடன்கள் வழங்கப்படும் என்றும் தெரிவிக்கப்பட்டது.
நாடாளுமன்ற பட்ஜெட் கூட்டத்தொடர் இம்மாதம் 29ம் தேதி தொடங்குகிறது. நாடாளுமன்ற இரு அவைகளின் கூட்டுக் கூட்டத்தில் குடியரசுத் தலைவர் ராம்நாத் கோவிந்த் தொடக்க உரையாற்றுகிறார். நடப்பு நிதியாண்டிற்கான பட்ஜெட் பிப்ரவரி 1ம் தேதி தாக்கல் செய்யப்பட உள்ளது.
தேசிய போலியோ சொட்டு மருந்து தினத்தை, மத்திய சுகாதார மற்றும் குடும்ப நலத்துறை அமைச்சகம், குடியரசுத் தலைவர் அலுவலகத்துடன் கலந்தாலோசித்து, 2021 ஜனவரி 31ம் தேதிக்கு மாற்றியுள்ளது. கோவிட் மேலாண்மை மற்றும் தடுப்பூசி சேவைகளும், கோவிட் அல்லாத அத்தியாவசிய சுகாதார சேவைகளும் ஒன்றுக்கொன்று பாதிப்பை ஏற்படுத்தாமல் இணைந்து செயல்படுவதை உறுதி செய்வதற்காக இந்த முடிவு எடுக்கப்பட்டுள்ளது.
அவனியாபுரத்தில் நடைபெற்ற ஜல்லிகட்டு போட்டியை காங்கிரஸ் தலைவர் ராகுல் காந்தி நேரில் கண்டு களித்தார். #RahulGandhi pic.twitter.com/UNSjbbNJRg
— IE Tamil (@IeTamil) January 14, 2021
அவனியாபுரம் ஜல்லிக்கட்டு விளையாட்டு போட்டியை நேரில் காண, காங்கிரஸ் கட்சித் தலைவர் ராகுல்காந்தி இன்று தமிழகம் வந்தார். மதுரை விமான நிலையத்தில் வந்திறங்கிய ராகுல் காந்திக்கு சிறப்பான வரவேற்பு அளிக்கப்பட்டது.
தமிழக மக்களையும், தமிழ் பண்பாட்டையும் காக்கும் கடமை எனக்கு உள்ளது .தமிழக மக்களோடு நான் என்றும் நிற்பேன் -. ராகுல்காந்தி * தமிழக மக்கள் அனைவருக்கும் இனிய பொங்கல் நல்வாழ்த்துக்கள் மேடையில் ராகுல்காந்தி பேச்சு.
Mr @RahulGandhi : Happy #Pongal to all ... pic.twitter.com/WotBYM3kdi
— Supriya Bhardwaj (@Supriya23bh) January 14, 2021
அனைவருக்கும் என் பொங்கல் நல்வாழ்த்துகள்.
— Rajinikanth (@rajinikanth) January 14, 2021
"தமிழர் பண்பாட்டின் மேன்மைகளை வெளிப்படுத்தும் மிக சிறந்த பண்டிகை" "இயற்கையோடு இணைந்து வாழவும், கருணை உணர்வை பெருக்கவும் நம்மை தூண்டட்டும்" "தைத்திருநாளில் நல்ல ஆரோக்கியம் மற்றும் வெற்றியை பெறுவோம்" என பிரதமர் மோடி பொங்கல் வாழ்த்து தெரிவித்துள்ளார்.
அனைவருக்கும் எனது இனிய பொங்கல் நல்வாழ்த்துக்கள்.
உங்களுடன் தைப் பொங்கல் கொண்டாட இன்று தமிழகம் வருகிறேன். மதுரையில் ஜல்லிக்கட்டு விழாவில் பங்கேற்கிறேன்.
Coming to celebrate Pongal with you in Madurai, Tamil Nadu. pic.twitter.com/CSUpyUHJaR
— Rahul Gandhi (@RahulGandhi) January 14, 2021
அவனியாபுரம் ஜல்லிக்கட்டு போட்டியில் சிறப்பு விருந்தினராக, காங்கிரஸ் எம்பி ராகுல்காந்தி கலந்து கொள்கிறார். இதேபோல் திமுக இளைஞரணி செயலாளர் உதயநிதியும் ஜல்லிக்கட்டு போட்டியை பார்வையிடுகிறார்.
இதையொட்டி சுமார், 1,500 போலீசார் பலத்த பாதுகாப்பில் ஈடுபடுத்தப்பட்டுள்ளனர். தென்மண்டல ஐஜி முருகன் மற்றும் மதுரை சரக டிஐஜி ராஜேந்திரன் மற்றும் மாநகர காவல் ஆணையர் பிரேம் ஆனந்த் சின்கா தலைமையில் ஆயிரக்கணக்கான போலீசார் பாதுகாப்பு பணியில் ஈடுபட்டுள்ளனர்.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights