கனமழை: சென்னை சென்ட்ரல் ரயில் நிலையத்தில் இருந்து இயக்கப்படும் 7 ரயில்களின் சேவை மாற்றம்  

சென்னையில் நேற்று நள்ளிரவு முதல் பெய்த கனமழையால் 7 எக்ஸ்பிரஸ் ரயில்கள் ஆவடி மற்றும் திருவள்ளூரில் இருந்து புறப்படும் என்று தெற்கு ரயில்வே அறிவித்துள்ளது.

கனமழை காரணமாக சென்னை சென்ட்ரல் ரயில் நிலையத்தில் முக்கிய இருப்பு பாதைகளில் மழை நீர் தேங்கியுள்ளது. இதனால் வியாசர்பாடி- பேசின் ப்ரிஜ் பாலம் எண் 14-ல் போக்குவரத்து தற்காலிகமாக நிறுத்தப்பட்டு இருக்கிறது. இதை அடுத்து சென்னை சென்ட்ரலில் இருந்து புறப்படும் ரயில்கள்  ஆவடி திருவள்ளூரில் இருந்து புறப்படுவதாக தெற்கு ரயில்வே அறிவித்துள்ளது.

சென்ட்ரல் – மைசூர் எக்ஸ்பிரஸ் (12609 ) மதியம் 1.35 மணிக்கு கிளம்பும் ரயில், ஆவடியில் இருந்து இயக்கப்படுகிறது. இதுபோல இன்டர்சிட்டி எக்ஸ்பிரஸ் ( 12679) ஆவடியிலிருந்து புறப்படுகிறது.

சென்ட்ரல் – கே.எஸ்.ஆர் பெங்களுரூ லால்பாக் சூப்பர் பாஸ்ட் எக்ஸ்பிரஸ் ( 12607) ஆவடியிலிருந்து  3.30 மணிக்கு  புறப்படும். ஷிமொகா டவுன் ஸ்பெஷல் ரயில் (06224) திருவள்ளூரிலிருந்து மதியம் 3.50 மணிக்கு புறப்படும். சென்ட்ரல்- திருப்பதி எக்ஸ்பிரஸ் (16053) 2.15 மணிக்கு திருவள்ளூரில் இருந்து புறப்படும். சென்ட்ரல்- மும்பை சி.எஸ்.டி எக்ஸ்பிரஸ் (16053) திருவள்ளூரில் இருந்து மதியம் 1.25 மணிக்கு புறப்படும்.

கோவை செல்லும் வந்தே பாரத் ரயில் (20643) சென்னை பீச் ரயில் நிலையத்திலிருந்து 2.25 மணிக்கு புறப்படும்.  

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“