என்னையும் உங்களையும் யாராலும், எந்த சக்தியாலும் பிரிக்க முடியாது...ரசிகர்களுக்கு ரஜினியின் புதிய அறிக்கை!

ரஜினி மக்கள் மன்றம் சார்பில் இன்று புதிய அறிக்கை ஒன்று வெளியாகியுள்ளது. இதில் நடிகர் ரஜினிகாந்த தனது ரசிகர்கள் பல்வேறு தகவல்களை கூறியுள்ளார்.

ரஜினி மக்கள் மன்றம் :

ரஜினி மக்கள் மன்றத்திற்குள் சிலர் வேறு எண்ணங்களுடன் பயணிப்பதையும், ரஜினி மக்கள் மன்றம் குறித்த தவறான வதந்திகள் பரப்பப்படுவதற்கும் முற்றுப்புள்ளி வைக்கும் வகையில் கடந்த 23-ம் தேதி அறிக்கை மூலம் விளக்கம் அளித்தார் ரஜினிகாந்த்.

அந்த அறிக்கை ரஜினி ரசிகர்கள் மத்தியில் அதிருப்தியை ஏற்படுத்தியது. இந்நிலையில், அந்த அறிக்கைக்கு விளக்கம் அளிக்கும் வகையில் இன்று (26.10.18) இன்னொரு அறிக்கையை வெளியிட்டுள்ளார் ரஜினி.

ரஜினி மக்கள் மன்றம் அறிக்கை:

இன்றைய அறிக்கையில், ‘கடந்த 23 ஆம் தேதி வெளியிட்ட அறிக்கையில் மக்கள் மன்றத்தின் செயல்பாடுகள் குறித்து சில உண்மையகளைச் சொல்லியிருந்தேன். அது கசப்பானதாக இருந்தாலும் அதில் இருக்கும் உண்மையையும், நியாயத்தையும் புரிந்து கொண்டதற்கு என் மனமார்ந்த நன்றியைத் தெரிவித்துக் கொள்கிறேன்.

#JustIn ரசிகர்களையும் என்னையும் எந்த சக்தியாலும் பிரிக்க முடியாது

- ரஜினிகாந்த் @rajinikanthpic.twitter.com/RVxVtbd8Vq

— PuthiyathalaimuraiTV (@PTTVOnlineNews) 26 October 2018

உங்களைப் போன்ற ரசிகர்களை அடைந்ததற்கு நான் மிகவும் பெருமைப்படுகிறேன். என்னையும் உங்களையும், யாராலும் எந்த சக்தியாலும் பிரிக்க முடியாது. நாம் எந்தப் பாதையில் போனாலும் அந்தப் பாதை நியாயமானதாக இருக்கட்டும். ஆண்டவன் நமக்குத் துணை இருப்பான்' என்று குறிப்பிட்டுள்ளார்