சென்னை - புதுச்சேரி உட்பட 10 மெமு ரெயில்களில் தலா 2 பெட்டிகள் குறைப்பு - தெற்கு ரெயில்வே அறிவிப்பு

தமிழ்நாட்டில் 10 மெமு ரயில்களில், தலா 2 பெட்டிகள் குறைக்க உள்ளதாக தெற்கு ரயில்வே அறிவித்து அறிக்கை ஒன்றை வெளியிட்டுள்ளது. அதன்படி,  "உத்தரபிரதேச மாநிலத்தில் மகா கும்பமேளா நடக்க உள்ளதால் கூடுதல் ரெயில்கள் மற்றும் ரெயில் பெட்டிகள் தேவைப்படுகின்றது.

இதனால், குறுகிய தூரத்தில் இயக்கப்படும் 'மெமு' வகை மின்சார ரெயில்களில் பெட்டிகள் தற்காலிகமாக குறைத்து இயக்கப்பட உள்ளன. அதன்படி, 10 ரெயில்களில் தற்போதுள்ள 12 பெட்டிகளில் இருந்து தலா 2 பெட்டிகள் குறைத்து இயக்கப்படும். 

அதன்படி, எழும்பூரில் இருந்து காலை 6.35 மணிக்கு புதுச்சேரி செல்லும் ரெயிலில் நேற்று முதல் 2 பெட்டிகள் குறைத்து இயக்கப்பட்டது. இதேபோல, புதுச்சேரியில்  இருந்து மதியம் 2.55 மணிக்கு திருப்பதி செல்லும் ரெயில், திருப்பதியில் இருந்து காலை 4.30 மணிக்கு புதுச்சேரி செல்லும் ரெயில், புதுச்சேரியில் இருந்து மதியம் 3.50 மணிக்கு எழும்பூர் செல்லும் ரெயில் ஆகியவற்றில் இன்று முதல் (22-ந்தேதி) தலா 2 பெட்டிகள் குறைத்து இயக்கப்படுகிறது. 

விழுப்புரத்தில் இருந்து காலை 5.20 மணிக்கு தாம்பரம் செல்லும் ரெயில், தாம்பரத்தில் இருந்து காலை 9.45 மணிக்கு விழுப்புரம் செல்லும் ரெயில், விழுப்புரத்தில் இருந்து மதியம் 1.40 மணிக்கு சென்னை கடற்கரை செல்லும் ரெயில், சென்னை கடற்கரையில் இருந்து மாலை 6 மணிக்கு திருவண்ணாமலை செல்லும் ரெயில் ஆகியவற்றில் வரும்  வரும் 26-ந்தேதி முதல் ரெயில் பெட்டிகள் குறைத்து இயக்கப்படும்.

இதேபோல, தாம்பரத்தில் இருந்து மாலை 6 மணிக்கு விழுப்புரம் செல்லும் ரெயில், திருவண்ணாமலையில் இருந்து காலை 4 மணிக்கு தாம்பரம் செல்லும் ரெயில் ஆகியவற்றில் வரும் 27-ந்தேதி முதல் தலா 2 பெட்டிகள் குறைத்து இயக்கப்பட உள்ளது. மறு அறிவிப்பு வரும் வரையில் இது தொடரும்" என்று அந்த அறிக்கையில்  கூறப்பட்டுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“