கடலூர் செக்போஸ்டில் பிடிபட்ட ரூ.40 லட்சம்; உரிய ஆவணம் இல்லாததால் இளைஞரிடம் போலீஸ் விசாரணை

கடலூர் செக் போஸ்டில் இன்று அதிகாலை ஆம்னி பஸ்சை ஏட்டு தேவேந்திரன் சோதனை செய்ததில் ரூபாய் 40 லட்சம்  பிடிபட்டது. இரவு ரோந்து பணியில் இருந்த சப்  இன்ஸ்பெக்டர் எழிலரசி அவரை விசாரணை செய்து வருமானவரித் துறையிடம் ஒப்படைத்தார் .

கடலூர் மாவட்டம், கடலூர் புதுநகர் காவல் நிலைய சரக எல்லையில் உள்ள ஆல்பேட்டை சோதனைச்சாவடியில் 24.04.25 அதிகாலை 5 மணிக்கு பணியில் இருந்த தலைமை காவலர் தேவேந்திரன், ஆயுதப்படை காவலர் அசோக்குமார் ஆகியோர் தனியார் ஆம்னி பேருந்தை வாகன சோதனை செய்தனர்

சென்னை எல்லீஸ் சாலை நபிர் அன்வர் 20 என்பவர் சென்னையிலிருந்து மன்னார்குடிக்கு (திருவாரூர் மாவட்டம்) செல்லும் ஆம்னி பேருந்தில்  பயணித்து வந்தவர் ஒரு பையில் ரூபாய் 40 லட்சம் பணம் வைத்திருப்பதாக கூறினார். காவலர்கள் பணத்திற்கான ஆவணம் கேட்டபோது சரியான ஆவணம் இல்லாததால்  இரவு ரோந்து பணியில் இருந்த  உதவி ஆய்வாளர்  எழிலரசி தகவல் தெரிவித்தனர். எவ்வித ஆவணம் இன்றி பணம் கொண்டு  நபரை பிடித்து கடலூர் புதுநகர் காவல் நிலையம் அழைத்து வந்தனர்.

கடலூர் மாவட்ட காவல் கண்காணிப்பாளர் த ஜெயக்குமார் உத்தரவின்பேரில் கடலூர் துணை காவல் கண்காணிப்பாளர் ரூபன்குமார் தலைமையில் விசாரணை மேற்கொள்ளப்பட்டு பின்னர் பிடிக்கப்பட்ட பணம் சம்பந்தமாக கூடுதல் விசாரணை மேற்கொள்ள வருமான வரித்துறை அதிகாரிகளுக்கு தகவல் தெரிவிக்கப்பட்டுள்ளது.