சமயபுரத்தில் 15 பேரிடம் செல் போன் பறிப்பு: 12 பவுன் தங்க நகைகள் மிஸ்ஸிங்

திருச்சி மாவட்டம், சமயபுரம் மாரியம்மன் கோவில் தேர்த்திருவிழா கடந்த 16-ந் தேதி நடைபெற்றது. இதையொட்டி 1,500-க்கும் மேற்பட்ட போலீசார் பாதுகாப்பு பணியில் ஈடுபட்டிருந்தனர். 

இந்நிலையில், சமயபுரம் மாரியம்மன் கோவில் தேர்த்திருவிழாவில் சுமார் 15 பேரிடம் செல்போன் பறிப்பு சம்பவம் நடைபெற்றுள்ளது. மேலும், நாமக்கல் அருகே உள்ள ரெட்டிப்பட்டி பகுதியை சேர்ந்த செந்தில் (55) என்பவர் கழுத்தில் அணிந்திருந்த 5 பவுன் சங்கிலியை மர்ம நபர்கள் பறித்துச் சென்றனர்.

இதேபோல், சமயபுரம் அருகே உள்ள மாகாளிகுடியை சேர்ந்த லட்சுமியிடம் (60) இருந்த 2 பவுன் நகை மற்றும் வெள்ளி கைச்செயின் திருட்டு போனது. மேலும் மண்ணச்சநல்லூர் அருகே உள்ள ஓமாந்தூர் கீழப்பட்டியை சேர்ந்த செண்பகவல்லி (60) என்பவர் அணிந்திருந்த 4½ பவுன் சங்கிலி திருட்டு போனது.

மேலும், சில பெண்களிடமும் சங்கிலி பறிப்பு செய்யப்பட்டுள்ளது. இதைத்தொடர்ந்து பாதிக்கப்பட்டவர்கள் கடந்த 16-ந்தேதி சமயபுரம் போலீஸ் நிலையத்தில் புகார் அளித்தனர். அதன்பேரில், போலீசார் நேற்று முன்தினம் வழக்குப்பதிவு செய்து இந்த சம்பவத்தில் ஈடுபட்ட நபர்களை தேடி வருகின்றனர்.

செய்தி: க. சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“