News Highlights: மத்திய பட்ஜெட்; 31-ம் தேதி அனைத்துக் கட்சி கூட்டம்

பிப்ரவரி 1ம் தேதி முதல் திரையரங்குகள் 50 சதவீதக்கும் கூடுதலான பார்வையாளர்களுடன் இயங்க அனுமதிக்குப்படும் என மத்திய உள்துறை அமைச்சகம் தெரிவித்தது.

இலங்கையின் போர்க்குற்றங்களை சர்வதேச நீதிமன்றத்திற்கு அனுப்பும்படியாக ஐக்கிய மனித உரிமை கவுன்சிலின் 46வது கூட்டத்தில் இந்தியா செயல்படவும், இலங்கையில் 13வது அரசியல் சட்டத்திருத்தத்தைச் செயல்படுத்த பிரதமர் அலுவலகம் தலையிடவும் வலியுறுத்தி பிரதமருக்கு திமுக தலைவர் மு.க ஸ்டாலின் கடிதம் எழுதியுள்ளார்.  

அதிக சுதந்திரமும் அளவுக்கு அதிகமான சன நாயகமும் நம் தேசத்திற்கே எதிராக போகும் ஆபத்து உள்ளது என திரைப்பட இயக்குனர் எஸ்.வி .சேகர் தெரிவித்தார்.    

தற்போது வரை, ஒன்பது மாநிலங்களில் (கேரளா, ஹரியானா, மத்திய பிரதேசம், மகாராஷ்டிரா, சத்திஸ்கர், உத்தராகண்ட், குஜராத், உத்தரப்பிரதேசம், பஞ்சாப்) உள்ள பண்ணை பறவைகளிலும்,12 மாநிலங்களில் (மத்திய பிரதேசம், ஹரியானா, மகாராஷ்டிரா, சத்திஸ்கர், இமாச்சல பிரதேசம், குஜராத், உத்தரப்பிரதேசம், உத்தராகண்ட், தில்லி, ராஜஸ்தான், ஜம்மு காஷ்மீர், பஞ்சாப்) காகம்/இடம்பெயர்ந்த/காட்டு பறவைகளிலும் பறவை காய்ச்சல் பாதிப்புகள் கண்டறியப்பட்டுள்ளதாக மத்திய அரசு தெரிவித்துள்ளது.  

வேளாண் சட்டங்கள் தொடர்பாக பேச்சு நடத்த வாய்ப்பில்லை என மத்திய அரசு கருத்து தெரிவிக்கவில்லை என்று மத்திய ஒலிபரப்புத் துறை அமைச்சர் பிரகாஷ் ஜவடேக்கர் கூறியுள்ளார்.

ஜெயலலிதா வாழ்ந்த போயஸ் கார்டன் வேதா நிலையத்தை நினைவுச் சின்னமாக நாளை   திறக்க அனுமதி; ஆனால்,  பொதுமக்கள் பார்வைக்கு அனுமதி இல்லை என சென்னை உயர் நீதிமன்றம் இடைக்கால உத்தரவு பிறப்பிட்டது. 

மறைந்த முன்னாள் முதல்வர் ஜெயலலிதாவுக்கு சொந்தமான, சென்னை போயஸ் கார்டனில் உள்ள ‘வேதா நிலையம்’ இல்லம் நினைவில்லமாக மாற்றப்பட்டு, பொதுமக்கள் பார்வைக்கு அனுமதிக்கப்படும் என,17.08.2017 அன்று முதல்வர் எடப்பாடி பழனிசாமி அறிவித்தார்.

நாடாளுமன்ற பட்ஜெட் கூட்டத்தொடர்  தொடங்க உள்ள நிலையில், அனைத்துக் கட்சித் தலைவர்கள் கூட்டத்தை மாநிலங்களவைத் தலைவர் வெங்கய்ய நாயுடு வரும் 31-ம் தேதி கூட்டியுள்ளார். மத்திய பட்ஜெட் வரும் பிப்ரவரி 1ம் தேதியன்று மக்களவையில் தாக்கல் செய்யப்படுகிறது. பட்ஜெட் கூட்டத் தொடரின் முதலாம் கட்ட அமர்வு பிப்ரவரி மாதம் 15-ம் தேதியுடன் முடிவடையும்.
இரண்டாம் கட்ட அமர்வு மார்ச் மாதம் 8-ம் தேதி தொடங்கி, ஏப்ரல் மாதம் 8-ம் தேதிவரை நடைபெறும் என அறிவிக்கப்பட்டுள்ளது.   

சசிகலாவை வரவேற்று போஸ்டர் ஒட்டிய திருநெல்வேலி மாவாட்ட எம்.ஜி.ஆர் மன்ற இணைச் செயலாளர் சுப்ரமணிய ராஜா என்பவரை அடிப்படை உறுப்பினர் பொறுப்பு உட்பட அனைத்துப் பொறுப்பில் இருந்தும் நீக்கி வைக்கப்படுவதாக அதிமுக அறிவித்தது.      

அமெரிக்கா முன்னாள் அதிபர் டொனால்டு ட்ரம்ப் கணக்கை யூடியூப் நிறுவனம் நிரந்தரமாக முடக்கியுள்ளது.  

சசிகலாவின் வருமான மற்றும் சொத்துக்களின் விவரங்கள் குறித்து அமலாக்கத்துறை மருத்துவமனையில் உள்ள சசிகலாவுக்கு கடிதம் அனுப்பியுள்ளது.    

This is what happens when the PM runs a country in the sole interest of 3-4 crony capitalists. pic.twitter.com/w1la4Rw2NK

— Rahul Gandhi (@RahulGandhi) January 27, 2021

கொரோனா பொது முடக்க காலத்தில் இந்திய  பெரு முதலாளிகள் தங்கள் வருமனாங்களை 35% அதிகரித்ததாக வந்த அறிக்கையை சுட்டிக் காட்டிய ராகுல் காந்தி, 'பிரதமர் 3-4 பெரு முதலாளிகளின் நலனுக்காக நாட்டை நிர்வகித்தால் இதுதான் நடக்கும்' என்று தனது ட்விட்டரில் பதிவிட்டார்.     

ஊரக உள்ளாட்சி அமைப்புகளுக்கான இரண்டு தவணை மானிய உதவியாக தமிழகத்திற்கு இதுவரை 1,803 கோடி ரூபாயை மத்திய அரசு விடுவித்துள்ளது.

"தமிழகம் முழுவதும் விஜயகாந்த் பிரசாரம் " மேற்கொள்ள உள்ளதாக தேமுதிக துணை பொ.செ. சுதீஷ் பேட்டி தெரிவித்துள்ளார்.

பேஸ்புக் யூடியூப் வீடியோ தணிக்கை செய்த பின் வெளியிட உத்தரவிட கோரிய வழக்கு வழக்கில், அங்கீகரிக்கப்பட்ட செய்தி சேனல்களை தவிர வேற எந்த நிறுவனமும் நேரடி ஒளிபரப்பு செய்யக்கூடாது என்று மனுதாரர் தரப்பில் வாதம் செய்யப்பட்டுள்ளது.

டிராக்டர் பேரணியின்போது விதிகளை மீறியதாக விவசாய சங்கத்தின் முக்கிய தலைவர்கள் மீது டெல்லி போலீசார் வழக்கு பதிவு செய்யப்பட்டுள்ளது.

ஜெயலலிதா வாழ்ந்த போயஸ் தோட்ட இல்லத்தை கையகப்படுத்திய உத்தரவை எதிர்த்து தீபா, தீபக் தொடர்ந்த வழக்குகளில் இன்று பிற்பகலில் இடைக்கால உத்தரவு பிறப்பித்து சென்னை உயர்நீதிமன்றம் தீர்ப்பளித்துள்ளது.

14வது ஐபிஎல் தொடருக்கான வீரர்கள் ஏலம் சென்னையில் பிப்.18ஆம் தேதி நடைபெறும் என அறிவிக்கப்பட்டுள்ளது.

எடப்பாடி பழனிசாமி மக்களால் முதல்வராகவில்லை அதிமுகவினரால் முதல்வராக தேர்ந்தெடுக்கப்பட்டார் என தேமுதிக பொதுசெயலாளர் பிரேமலதா விஜயகாந்த் தெரிவித்துள்ளார்.

கடந்த சில நாட்களுக்கு முன்பு திடீர் நெஞ்சுவலி காரணமாக மருத்துவமனையில் சிகிச்சை பெற்று வீடு திரும்பிய பிசிசிஐ தலைவர் கங்குலிக்கு மீண்டும் நெஞ்சுவலி ஏற்பட்டதன் காரணமாக கொல்கத்தா மருத்துவமனையில் அனுமதிக்கப்பட்டுள்ளார்.

ஜெயலலிதா நினைவிடம் திறந்ததை பார்க்கும்போது சசிகலா விடுதலையை கொண்டாடுவது போல்தான் தோன்றுகிறது என்று டிடிவி தினகரன் கூறியுள்ளார்.

தமிழக மக்களுக்கு தாயாக இருந்து பணியாற்றியவர் மறைந்த முதல்வர் ஜெயலலிதா என முதல்வர் பழனிச்சாமி புகழாரம் சூட்டியுள்ளார்.

ஜெயலலிதாவுக்கு தீர்க்க முடியாத நன்றிக் கடன் பட்டிருக்கிறோம் என அதிமுக ஒருங்கினைப்பாளரும், துணை முதல்வருமான ஓபிஎஸ் தெரிவித்துள்ளார்.

ஜெயலலிதா நினைவிடம் திறப்பு ஆனாலும் சசிகலா வருகையை சென்னையிலும் கொண்டாடுகின்றனர் " என்று அமமுக பொதுசெயலாளர் டி.டி.வி.தினகரன் தெரிவித்துள்ளார்.

"அ.தி.மு.க ஆட்சி தொடர வேண்டும் என்பதே பெண்களின் மனநிலை" என்று முதல்வர் எடப்பாடி பழனிசாமி தெரிவித்துள்ளார்.

கொரோனா தொற்று இல்லாத நிலை 3 நாட்கள் தொடர்ந்தால் வரும் 31ஆம் தேதி சசிகலா வீடு திரும்புவார் என பெங்களூரு விக்டோரியா மருத்துவமனை புதிய தகவல். சசிகலாவுக்கு நாளை மீண்டும் கொரோனா பரிசோதனையில் கொரோனா தொற்று இல்லாத நிலை தொடர்ந்தால், 3 நாட்களில் டிஸ்சார்ஜ் செய்யப்படுவார். 

சீர்காழியில் தங்க நகைகளை கொள்ளையடித்த 3 கொள்ளையர்களில் ஒருவர் என்கவுன்ட்டரில் சுட்டுக்கொலை. 

சசிகலா விடுதலை தொடர்பான ஆவண நகல், மருத்துவமனை நிர்வாகத்திடம் ஒப்படைப்பு *.சசிகலாவுக்கு வழங்கிய பாதுகாப்பை திரும்ப பெற்றது கர்நாடகா சிறைத்துறை .உடல்நிலை பாதிப்பு காரணமாக தொடர்ந்து சசிகலா மருத்துவமனையில் சிகிச்சை. 

சென்னை மெரினாவில் மறைந்த முன்னாள் முதல்வர் ஜெயலலிதா நினைவிடத்தை திறந்து வைத்தார் முதல்வர் பழனிசாமி. நினைவிடத்தில் மலர் வளையம் வைத்து முதலமைச்சர், துணை முதல்வர் மரியாதை

சொத்துக்குவிப்பு வழக்கில் 4 ஆண்டு சிறை தண்டனை முடிந்து விடுதலையானார் சசிகலா.  விடுதலை செய்யப்பட்டதற்கான ஆவணங்களை மருத்துவமனையில் சசிகலாவிடம் சிறைத்துறை ஒப்படைப்பு. 

சீர்காழியில் நகைக்கடை அதிபர் வீட்டில் இரட்டை கொலை . தங்கம் கொள்ளை .தாய் - மகன் என இருவரை கொலை செய்துவிட்டு 16 கிலோ தங்கம் கொள்ளை . 4 மணி நேரத்தில் கொலையாளிகளை போலீசார் கைது செய்தனர்.  

கிருஷ்ணகிரி மாவட்டம் போச்சம்பள்ளியை சேர்ந்தவர் முத்துவேல் .சேலம் அரசு மருத்துவமனையில் சிகிச்சை பெற்று வந்த முத்துவேல் மருத்துவமனை 2வது மாடியில் இருந்து குதித்து தற்கொலை செய்துகொண்டார்.

ஜெயலலிதா நினைவிடம் இன்று திறப்பு. 80 கோடி மதிப்பில், பீனிக்ஸ் பறவை வடிவமைப்பில் அமைக்கப்பட்டுள்ள நினைவிடத்தை முதலமைச்சர் பழனிசாமி திறந்து வைக்கிறார். துணை முதலமைச்சர் பன்னீர்செல்வம் முன்னிலை வகிக்கிறார்

இயல்பு நிலைக்கு திரும்பினார் அமைச்சர் காமராஜ் . ரத்தத்தில் ஆக்சிஜன் அளவு அதிகரிப்பு  உடல்நிலை சீராக இருக்கிறது என  மருத்துவமனை தகவல் . உடல் சமநிலையை பொறுத்து விரைவில் அமைச்சர் காமராஜ் டிஸ்சார்ஜ் செய்யப்படுவார் எனவும் தகவல். 

புதுச்சேரி அமைச்சர் பதவியில் இருந்து விலகிய நமச்சிவாயம், இன்று காலை 11.30 மணிக்கு பாஜகவில் இணைகிறார் . எம்.எல்.ஏ பதவியில் இருந்து விலகிய தீப்பாய்ந்தானும், மத்திய அமைச்சர் அமித்ஷா முன்னிலையில் பாஜகவில் இணைகிறார். 

சொத்து குவிப்பு வழக்கில், கர்நாடகாவின் பெங்களூரில் உள்ள பரப்பன அக்ரஹாரா மத்திய சிறையில் அடைக்கப்பட்டிருந்த சசிகலா இன்று காலை 10.30 மணிக்கு விடுதலையாகிறார்.