போலி சிம்கார்டுகள் கிரிமினல்களுக்கு சப்ளை: 39 ஏஜெண்ட்கள் மீது சி.பி.ஐ வழக்கு

ஆள்மாறாட்டம், போலி டிஜிட்டல் கைது மற்றும் முதலீடு மோசடிகள் போன்றவற்றின் மூலம் மக்களை ஆன்லைனில் ஏமாற்ற பயன்படுத்தப்படும் பதிவு செய்யப்படாத போலி சிம் கார்டுகளை வழங்கியதாகக் கூறப்படும் 39 விற்பனை (PoS) முகவர்கள் மீது சி.பி.ஐ வழக்குப்பதிவு செய்துள்ளது. அடையாளம் காணப்பட்ட முகவர்களில் ஒருவர் தமிழ்நாட்டின் கிருஷ்ணகிரி மாவட்டத்தில் உள்ள ஸ்ரீலட்சுமி ஏஜென்சிஸின் சதாசிவம் ஆவார். மீதமுள்ள குற்றம் சாட்டப்பட்ட நபர்கள் உ.பி., மேற்கு வங்கம், அசாம், மகாராஷ்டிரா, பீகார், தெலுங்கானா மற்றும் கர்நாடகாவை சேர்ந்தவர்கள் என்று சி.பி.ஐ-ன் பொருளாதார குற்றப் பிரிவு தெரிவித்துள்ளது.

இந்த முகவர்கள் சிம் வாங்குபவரின் பெயரில் 2 கார்டுகளைப் பதிவு செய்வார்கள் என்றும், ஆரம்ப முயற்சியிலேயே eKYC தோல்வியடைந்ததாக கூறி, பதிவு செய்வார்கள் என்றும் CBI கூறியது. முறையாக வாங்குபவருக்கு ஒரு சிம் கார்டு கிடைக்கும் அதே வேளையில், அவர்களின் பெயரில் உள்ள 2-வது மற்றும் பதிவு செய்யப்படாத போலி சிம் சைபர் குற்றவாளிகளுக்கு விற்கப்படும். பின்னர் இந்த சட்டவிரோத எண்கள் மோசடியான வங்கிக் கணக்குகளைத் திறக்கவும், தெரியாத நபர்களை ஏமாற்றும் அழைப்புகளை மேற்கொள்ளவும் பயன்படுத்தப்படுகின்றன. தென்கிழக்கு ஆசிய நாடுகளில் பயன்பாட்டில் இருப்பதாகக் கண்டறியப்பட்ட இந்தியத் தொலைத்தொடர்பு ஆபரேட்டர்களால் வழங்கப்பட்ட 64 ஆயிரத்து 223 சந்தேகத்திற்கிடமான சிம் கார்டுகளை அடையாளம் காட்டிய சிறப்பு அறிக்கையின் அடிப்படையில் இந்த வழக்கு தொடங்கப்பட்டது.