44 வார கால பயிற்சி... இந்தோ - திபெத் பாதுகாப்பு படையினரின் மிடுக்கான அணிவகுப்பு!

சிவகங்கையை அடுத்துள்ள இலுப்பகுடி கிராமத்தில் இந்தோ-திபெத் எல்கை பாதுகாப்பு படை பயிற்சி மையம் அமைந்துள்ளது. இந்த பயிற்சி மையம் கடந்த 2011 ஆம் ஆண்டு முதல் துவங்கப்பட்டு செயல்பட்டுவருகிறது.

இதில், தேர்வு செய்யப்படும் வீரர்களுக்கு உடல் பயிற்சி, ஆயுதங்கள் கையாளுதல், கள பயிற்சி, துப்பாக்கி சுடும் பயிற்சி என பல்வேறு பயிற்சிகள் அளிக்கப்பட்டு வருகிறது.

இந்தப் பயிற்சிகள் சுமார் 44 வார காலத்திற்கு அளிக்கப்பட்டு, இந்தோ-திபெத் எல்கை பாதுகாப்பு படை வீரர்கள் இந்திய எல்லை பகுதியில் பணிக்கு அனுப்ப படுகின்றனர்.

இந்நிலையில், இன்று இந்த மையத்தில் 488 பேட்ச் பயிற்சி வீரர்கள் 44 வார கால பயிற்சி முடித்து 1084 வீரர்கள் பணிக்கு திரும்பும் அனிவகுப்பு நிகழ்ச்சியானது நடைபெற்றது.

இதில் பயிற்சி முடித்த வீரர்கள் தேசிய கொடியை ஏந்தி வீர நடை நடந்து சென்றனர். மேலும் இந்த நிகழ்ச்சியில் பயிற்சி மையத்தின் ஐ.ஜி நிர்பய் சிங் கலந்து கொண்டார்.

இந்த பயிற்சியின் போது சிறந்து விளங்கிய வீரர்களுக்கு பதக்கங்கள் வழங்கப்பட்டது. இதன் பின்னர் வீரர்களின் சாகச நிகழ்ச்சிகளும், கண்கவர் அணிவகுப்பும் நடைபெற்றது. செய்தி: சக்தி சரவணன்.