8 கிலோ அழுகிய மீன்கள்... சிவகங்கை வாரச் சந்தையில் பறிமுதல்!

சிவகங்கை நகராட்சி வாரச்சந்தையில் உணவு பாதுகாப்புத்துறை அலுவலர் சரவணன் மற்றும் மீன்வளத்துறை துணை இயக்குனர் ஞானம் தலைமையிலான அதிகாரிகள் மீன் கடைகளில் ஆய்வு மேற்கொண்டனர்.

அப்போது அழுகிய நிலையில் இருந்த 8 கிலோ மீன்களை பறிமுதல் செய்து அழித்தனர். பின்னர் உணவு பாதுகாப்பு துறை அலுவலர் சரவணன், மீன் வியாபாரிகளை அழைத்து விழிப்புணர்வு கொடுத்தார்.

ஆப்பிரிக்கன் கெளுத்தி மீன்களை விற்பனை செய்யக்கூடாது, அவை நாட்டின மீன்களை அழிக்கின்றது. அதைப் பற்றி தகவல் கிடைத்தால் உணவு பாதுகாப்பு துறை அதிகாரிகளுக்கு தெரியப்படுத்த வேண்டும் என்று கூறினார்.

'இறந்த உடலை பாதுகாக்க பயன்படுத்தப்படும் பாமாலிவ் ரசாயனத்தை மீன்களுக்கு பதப்படுத்த பயன்படுத்தக் கூடாது. பாமாலிவ் கலந்த மீன்களில் ஈக்கள் மொய்க்காது, வாசனையும் தெரியாது' என்றார்.

அந்த மீன்களை உண்டால், புற்றுநோய் உள்ளிட்ட பல்வேறு நோய்கள் ஏற்பட வாய்ப்புள்ளது. எனவே இது குறித்து மீன் வியாபாரிகள் விழிப்புடன் இருக்க வேண்டும் என்றும் உணவு பாதுகாப்பு துறை அலுவலர் சரவணன் அறிவுறுத்தினார்.