மதுரை - தாம்பரம் ரயில்களில் கூடுதல் பெட்டிகள் இணைப்பு: தெற்கு ரயில்வே அறிவிப்பு

தெற்கு ரயில்வே அறிவித்துள்ளதின்படி, மதுரை - தாம்பரம் - மதுரை வாராந்திர ரயில்களில் கூடுதல் பெட்டிகள் தற்காலிகமாக இணைக்கப்படுகின்றன. இந்த மாற்றம் இன்று (பிப்ரவரி 6) முதல் மார்ச் 21 வரை செயல்படும்.

அதன்படி, 22623/22624 மதுரை - தாம்பரம் - மதுரை வாராந்திர ரயில்களில் இரண்டு ஏ.சி., மூன்றடுக்கு படுக்கை வசதிப் பெட்டிகள் மற்றும் 2 பொதுப் பெட்டிகள் இணைக்கப்பட உள்ளன.

தற்போது, இந்த ரயில்கள் ஒரு ஏ.சி., இரண்டடுக்கு படுக்கை வசதிப் பெட்டி, 5 ஏ.சி., மூன்றடுக்கு படுக்கை வசதி பெட்டிகள், 7 இரண்டாம் வகுப்பு படுக்கை வசதிப் பெட்டிகள், 4 பொதுப் பெட்டிகள், ஒரு பேன்ட்ரி கார், ஒரு மாற்றுத் திறனாளிகளுக்கான பெட்டி, ஒரு சரக்குப் பெட்டியுடன் இயக்கப்படுகின்றன. 

இத்தகைய ஏற்பாடு பயணிகளுக்கு கூடுதல் வசதிகளை ஏற்படுத்தும் வகையில் செய்யப்படுவதாக தெற்கு ரயில்வே தெரிவித்துள்ளது.