திருச்சி ரயில்வே கோட்டத்தின் கோட்டை - முத்தரசநல்லூர் பிரிவுக்கு இடையேயான தற்போதைய சாலை மேம்பாலம் அகற்றுதல் மற்றும் பொறியியல் பணிகள் காரணமாக, வருகிற 13-ம் தேதி அந்த வழியாக செல்லும் ரயில் சேவைகள் மாற்றம் செய்யப்பட்டுள்ளது.
அதன்படி கரூர் - திருச்சி பயணிகள் ரயில் (வண்டி எண்: 76810), திருச்சி - கரூர் பயணிகள் ரயில் (வண்டி எண்- 76809), திருச்சி - ஈரோடு பயணிகள் ரயில் (வண்டி எண்- 56105), மயிலாடுதுறை - சேலம் பயணிகள் ரயில் (வண்டி எண்- 16811), சேலம் - மயிலாடுதுறை பயணிகள் ரயில் (வண்டி எண்- 16812), ஈரோடு - திருச்சி பயணிகள் ரயில் (வண்டி எண்- 56810) உள்ளிட்ட ரயில்கள் முழுவதுமாக ரத்து செய்யப்படுகிறது.
இதேபோல் ஈரோடு - திருச்சி பயணிகள் ரயில் (வண்டி எண்- 56106) ஈரோட்டில் இருந்து காலை 8.10 மணிக்கு புறப்படும். இந்த ரயில் கரூர் வரை மட்டுமே இயங்கும். பாலக்காடு - திருச்சி எக்ஸ்பிரஸ் ரயில் (வண்டி எண்- 16844) கரூர் வரை மட்டும் இயங்கும். மேலும் திருச்சியில் இருந்து மதியம் 1 மணிக்கு புறப்படும் திருச்சி - பாலக்காடு டவுன் எக்ஸ்பிரஸ் ரயில் (வண்டி எண்- 16843) திருச்சி - கரூர் இடையே ரத்து செய்யப்பட்டு கரூரில் இருந்து மதியம் 2.20 மணிக்கு புறப்பட்டு செல்லும்.
காரைக்கால் - எர்ணாகுளம் எக்ஸ்பிரஸ் ரயில் (வண்டி எண்- 16187) காரைக்காலில் இருந்து மாலை 4.30 மணிக்கு புறப்பட்டு திருச்சி, திண்டுக்கல், கரூர் வழியாக மாற்றுப்பாதையில் எர்ணாகுளத்திற்கு செல்லும். கடலூர் - மைசூர் எக்ஸ்பிரஸ் ரயில் (வண்டி எண்- 16231) கடலூரில் இருந்து மாலை 3.40 மணிக்கு புறப்பட்டு திண்டுக்கல், கரூர் வழியாக மாற்றுப்பாதையில் மைசூருக்கு சென்றடையும். இந்த ரயில்கள் கோட்டை மற்றும் குளித்தலை ரயில் நிலையங்களுக்கு செல்லாது.
மேலும், மங்களூரூ - தாம்பரம் எக்ஸ்பிரஸ் ரயில் (வண்டி எண்- 16160) மங்களூரூவில் இருந்து காலை 6.45 மணிக்கு புறப்பட்டு 2 மணி நேரம் தாமதமாக தாம்பரத்திற்கு சென்றடையும். மன்னார்குடி - கோவை செம்மொழி எக்ஸ்பிரஸ் ரயில் (வண்டி எண்- 16615) மன்னார்குடியில் இருந்து இரவு 8.25 மணிக்கு புறப்பட்டு 40 நிமிடம் தாமதமாக கோவைக்கு சென்றடையும்.
மேற்கண்டவாறு திருச்சி ரயில்வே கோட்ட அலுவலகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
க.சண்முகவடிவேல்
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2022/04/Train-1.jpg)