பாண்டியன், ராக்போர்ட் உட்பட 5 எக்ஸ்பிரஸ் ரயில்கள் புறப்படும் இடம் மாற்றம் - தெற்கு ரயில்வே அறிவிப்பு

சோழன், மலைக்கோட்டை, பாண்டியன் உள்பட 5 விரைவு ரயில்கள் செப்.10 முதல் தாம்பரத்திலிருந்து புறப்படும் எனத் தெற்கு ரயில்வே தெரிவித்துள்ளது. சென்னை எழும்பூர் ரயில் நிலையத்தில் நடந்துவரும் மேம்பாட்டுப் பணிகள் காரணமாக, ஆறு விரைவு ரயில்களின் சேவையில் மாற்றம் செய்யப்பட்டுள்ளது. இதில், 5 விரைவு ரயில்கள், தாம்பரத்தில் இருந்து இயக்கப்படவுள்ளதாக தெற்கு ரயில்வே அறிவித்துள்ளது.

எழும்பூர் - திருச்சி சோழன் (22675)
எழும்பூர் - திருச்சி ராக்போர்ட் (12654/ 12653)
எழும்பூர் - மதுரை பாண்டியன் (12638)
எழும்பூர் - ராமேஸ்வரம் சேது(22661/ 22662)
எழும்பூர் - ராமேஸ்வரம் போட் மெயில் (16751 / 16752)
ஆகிய விரைவு ரயில்கள் எழும்பூருக்கு பதிலாக தாம்பரத்தில் இருந்து இயக்கப்படவுள்ளது.

அதேபோல, எழும்பூர் - மும்பை விரைவு ரயில், கடற்கரையில் இருந்தும் இயக்க முடிவு செய்யப்பட்டுள்ளது. இந்த மாற்றம், வரும் 10- ஆம் தேதி முதல் நவம்பர் 10 ஆம் தேதி வரை இருக்கும் என தெற்கு ரயில்வே அதிகாரிகள் தெரிவித்துள்ளனர்.

க.சண்முகவடிவேல்.