காத்திருப்போர் பட்டியல் அதிகரிப்பு: பயணிகள் வசதிக்காக முக்கிய ரயில்களில் கூடுதல் பெட்டிகள் இணைப்பு - தெற்கு ரயில்வே

பண்டிகை காலங்களில் அதிகரித்து வரும் பயணிகள் கூட்டத்தைக் கருத்தில் கொண்டு, காத்திருப்போர் பட்டியலில் உள்ள பயணிகளின் வசதிக்காக, குறிப்பிட்ட சில ரயில்களில் கூடுதல் பெட்டிகள் இணைக்கப்படும் என்று தெற்கு ரயில்வே அறிவித்துள்ளது. இதன் மூலம் காத்திருப்போர் பட்டியலில் உள்ள பயணிகளுக்கு உறுதியான இருக்கைகள் அல்லது படுக்கைகள் கிடைக்கும்.

இதுகுறித்து தெற்கு ரயில்வே வெளியிட்டுள்ள செய்திக்குறிப்பில் தெரிவிக்கப்பட்டுள்ள முக்கிய அம்சங்கள்:

தாம்பரம் - செங்கோட்டை சிலம்பு விரைவு ரயில்:

தாம்பரத்தில் இருந்து புறப்படும் ரயிலில் ஆகஸ்ட் 29, 30 மற்றும் 31 ஆகிய தேதிகளில் ஒரு இரண்டாம் வகுப்பு ஏசி பெட்டி, இரண்டு மூன்றாம் வகுப்பு ஏசி பெட்டிகள் மற்றும் மூன்று படுக்கை வசதி கொண்ட பெட்டிகள் கூடுதலாக இணைக்கப்படுகின்றன.

மறுமார்க்கத்தில், செங்கோட்டையில் இருந்து புறப்படும் ரயிலில் ஆகஸ்ட் 30, 31 மற்றும் செப்டம்பர் 1 ஆகிய தேதிகளில் இதேபோல் கூடுதல் பெட்டிகள் இணைக்கப்படும்.

தாம்பரம் - நாகர்கோவில் அதிவிரைவு ரயில் (வண்டி எண் 22657/22658):

தாம்பரத்தில் இருந்து புறப்படும் ரயிலில் ஆகஸ்ட் 29, 30 மற்றும் 31 ஆகிய தேதிகளில் ஒரு இரண்டாம் வகுப்பு ஏசி பெட்டி, இரண்டு மூன்றாம் வகுப்பு ஏசி பெட்டிகள், மூன்று படுக்கை வசதி கொண்ட பெட்டிகள் மற்றும் ஒரு பொதுப் பெட்டி ஆகியவை இணைக்கப்படுகின்றன.

மறுமார்க்கத்தில், நாகர்கோவிலில் இருந்து புறப்படும் ரயிலில் ஆகஸ்ட் 30, 31 மற்றும் செப்டம்பர் 1 ஆகிய தேதிகளில் கூடுதல் பெட்டிகள் இணைக்கப்படும்.

சென்னை எம்.ஜி.ஆர். சென்ட்ரல் - திருவனந்தபுரம் அதிவிரைவு ரயில் (வண்டி எண் 12695/12696):

சென்னை சென்ட்ரலில் இருந்து புறப்படும் ரயிலில் ஆகஸ்ட் 31, செப்டம்பர் 1 மற்றும் 2 ஆகிய தேதிகளில் கூடுதலாக ஒரு இரண்டாம் வகுப்பு ஏசி பெட்டி இணைக்கப்படும்.
மறுமார்க்கத்தில், திருவனந்தபுரத்தில் இருந்து செப்டம்பர் 1, 2 மற்றும் 3 ஆகிய தேதிகளில் இதேபோல் கூடுதல் பெட்டி இணைக்கப்படும்.

சென்னை எம்.ஜி.ஆர். சென்ட்ரல் - ஆலப்புழா அதிவிரைவு ரயில் (வண்டி எண் 22639/22640):

இன்றிலிருந்து (ஆகஸ்ட் 29) மூன்று நாட்களுக்கு கூடுதலாக ஒரு இரண்டாம் வகுப்பு ஏசி பெட்டி இணைக்கப்படும்.

கோவை - ராமேஸ்வரம் விரைவு ரயில் (வண்டி எண் 16618/16617):

செப்டம்பர் 2 முதல் செப்டம்பர் 29 வரை கூடுதலாக ஒரு படுக்கை வசதி கொண்ட பெட்டி இணைக்கப்படும் என்று தெற்கு ரயில்வே அறிவித்துள்ளது.