அந்தமானில் தொடங்கும் தென்மேற்கு பருவமழை: இந்த 10 மாவட்டங்களுக்கு கனமழை காத்திருக்கு

சென்னை மற்றும் புறநகர் பகுதிகளில் வானம் மேகமூட்டத்துடன் காணப்படும் என்றும் வானிலை ஆய்வு மையம் கூறியுள்ளது. கேரளாவில் தென்மேற்கு பருவமழை 4 நாள் முன்பாகவே, அதாவது 27-ஆம் தேதி தொடங்கும் என இந்திய வானிலை மையம் தெரிவித்துள்ளது குறிப்பிடத்தக்கது.

தமிழகம், புதுச்சேரி, காரைக்காலில், இன்றும், நாளையும் அதிக பட்ச வெப்பநிலை, இயல்பை விட, 3 டிகிரி செல்ஷியஸ் வரை கூடுதலாக பதிவாகக்கூடும். சென்னை மற்றும் புறநகர் பகுதி களில், இன்று வானம் ஓரளவு மேகமூட்டமாக காணப்படும். பகல் நேர அதிகபட்ச வெப்பநிலை, 39 டிகிரி செல்ஷியஸ் வரை பதிவாகலாம் என்றும் வானிலை ஆய்வும் மையம் தெரிவித்துள்ளது. இந்நிலையில் தமிழ்நாட்டில் சென்னை உட்பட 14 இடங்களில் வெயில் 100 டிகிரி பாரன்ஹீட் கடந்து சதம் அடித்துள்ளது. அக்னி நட்சத்திரம் தொடங்கிய நிலையில் வெயிலின் தாக்கம் நாளுக்குநாள் அதிகரித்துவருகிறது. இந்நிலையில், நேற்று (மே 12) 14 இடங்களில் 100 டிகிரி பாரன்ஹீட்டுக்கு மேல் வெப்பநிலை பதிவானதாக வானிலை ஆய்வு மையம் தெரிவித்துள்ளது. அதன்படி, அதிகபட்சமாக மதுரை விமான நிலையத்தில் 106 டிகிரி பாரன்ஹீட் வெப்பம் பதிவானது.