மருத்துவமனையில் அனுமதிக்கப்பட்ட மு.க. தமிழரசு; நேரில் சந்தித்து நலம் விசாரித்த ஸ்டாலின்

சென்னையில் உள்ள தனியார் மருத்துவமனையில் அனுமதிக்கப்பட்டுள்ள தனது சகோதரர் மு.க.தமிழரசை நேரில் சந்தித்து முதலமைச்சர் மு.க.ஸ்டாலின் நலம் விசாரித்தார். உடல்நலக்குறைவு காரணமாக நேற்று  (ஜனவரி 29) மு.க.தமிழரசு மருத்துவமனையில் அனுமதிக்கப்பட்டுள்ளார்.

இந்நிலையில் மருத்துவமனை சென்ற மு.க.ஸ்டாலின், மருத்துவர்களிடம் தனது சகோதரருக்கு அளிக்கப்பட்டு வரும் சிகிச்சை குறித்தும் கேட்டறிந்தார். 

மு.க.தமிழரசு மகன் தான் நடிகர் அருள்நிதி. சென்னையில் வசித்து வரும் மு.க.தமிழரசுக்கு நேற்று திடீரென உடல்நலக் குறைவு ஏற்பட்டதாகவும் இதனால் உடனடியாக அவர் அமைந்தகரையில் உள்ள எம்ஜிஎம் மருத்துவமனையில் சிகிச்சைக்காக அனுமதிப்பட்டார்.  

மறைந்த முன்னாள் முதலமைச்சர் கருணாநிதியின் மகனும், முதலமைச்சர் மு.க.ஸ்டாலின் சகோதரர் மு.க.தமிழரசு திமுக கட்சி பொறுப்பில் இல்லை என்றாலும், தேர்தலின் போது உதயநிதி மற்றும் நாடாளுமன்றத் தேர்தலின் போது தயாநிதி மாறனுக்காக வாக்கு சேகரிப்பில் ஈடுபட்டார். 

எம்ஜிஎம் மருத்துவமனைக்கு நேரில் சென்று தனது சகோதரரை சந்தித்த மு.க.ஸ்டாலின், மருத்துவர்களிடம் அவருக்கு அளிக்கப்படும் சிகிச்சைகள் குறித்தும் கேட்டறிந்தார்.  அவரது உடல்நலம் குறித்து தற்போது வரை மருத்துவமனை நிர்வாகம் எந்த தகவலும் கொடுக்கவில்லை.