scorecardresearch

ஸ்டாலின் தலைமையில் உதயநிதியின் எழுச்சி; இ.பி.எஸ் vs ஒ.பி.எஸ் மோதல்; தமிழக அரசியல் களம் ஒரு பார்வை

ராகுல் காந்தியின் பாரத் ஜோடோ யாத்திரையை முன்மாதிரியாகக் கொண்டு, 2023-ல்பா.ஜ.க உட்பட பல கட்சிகள் தமிழகத்தில் யாத்திரைகளை மேற்கொள்ள உள்ளன.

ஸ்டாலின் தலைமையில் உதயநிதியின் எழுச்சி; இ.பி.எஸ் vs ஒ.பி.எஸ் மோதல்; தமிழக அரசியல் களம் ஒரு பார்வை

2019-ம் ஆண்டு பொதுத் தேர்தலிலிருந்து மு.க.ஸ்டாலின் தலைமையிலான தி.மு.க ஆதிக்கம் செலுத்தி வரும் தமிழகத்தில் ஆளும் தி.மு.க மற்றும் எதிர்க்கட்சியான அ.தி.மு.க – பா.ஜ.க கூட்டணி ஆகிய இரு கட்சிகளுக்கும் 2023-ம் ஆண்டு முக்கியத்துவம் வாய்ந்ததாக இருக்கும் என எதிர்பார்க்கப்படுகிறது.

மு.க. ஸ்டாலின் தலைமையில், 2021 சட்டமன்றத் தேர்தலில் தி.மு.க ஆட்சியைப் பிடித்ததையடுத்து, முதலமைச்சராக பதவியேற்றார். மறுபுறம், அ.தி.மு.க-வில் தொடர்ந்து களேபரம் நிலவி வருகிறது.

காங்கிரஸ் மற்றும் பாஜக ஆகிய இரண்டு தேசியக் கட்சிகளும் 2022-ல் அந்தந்த கூட்டணிக் கட்சிகளான தி.மு.க மற்றும் அ.தி.மு.க மீது சவாரி செய்து வருகின்றன. இந்த கூட்டணி 2023-ல் மாறாமல் இருக்கும் என்று எதிர்பார்க்கப்படுகிறது.

ராகுல் காந்தியின் பாரத் ஜோடோ யாத்திரைரை முன்மாதிரியாகக் கொண்டு, வருகிற 2023-ம் ஆண்டில், பா.ஜ.க உட்பட பல கட்சிகளும், தமிழ்நாட்டில் நடைபயணம் மேற்கொள்ள முன்வந்துள்ளன.

புத்தாண்டில் அடியெடுத்து வைக்கும் நேரத்தில், இதுவரை ஸ்டாலினின் பதவிக்காலம் ஓரளவு சுமூகமாகவே இருந்துள்ளது. மு.க. ஸ்டாலின் 2024 பொதுத் தேர்தலுக்கு தயாராகத் தொடங்குவார் என்று எதிர்பார்க்கப்படுகிறது. தி.மு.க அதன் பூத் அளவிலான இயந்திரங்களை செயல்படுத்துவதில் கவனம் செலுத்தத் தொடங்கும் அதே வேளையில், கட்சி தலைமையிலான கூட்டணியை அப்படியே வைத்திருக்கும் முயற்சிகளில் ஸ்டாலின் தலைகீழாக மாறக்கூடும் என்று எதிர்ப்பார்க்கப்படுகிறது.

விளையாட்டுத்துறை அமைச்சராக இருக்கும் ஸ்டாலினின் மகன் உதயநிதியின் செயல்பாடும் உன்னிப்பாக கவனிக்கப்படும். உதயநிதியின் அமைச்சக திட்டங்களை புத்தாண்டில் பெரிய அளவில் காட்ட தி.மு.க செயல்பட்டு வருவதாக தி.மு.க வட்டாரங்கள் தெரிவிக்கின்றன. அவரைப் பாராட்டிய தி.மு.க மூத்த தலைவர் ஒருவர், “உதயநிதி சிறப்பாக செயல்படுகிறார். அவர் விரைவில் மாநிலத்தில் உள்ள ஒவ்வொரு மாவட்டத்துக்கும் நகரங்களுக்கும் செல்வார்.” என்று கூறினார்.

இந்த ஆண்டு ஏப்ரலில் சொத்து வரியையும், செப்டம்பரில் மின் கட்டணத்தையும் ஸ்டாலின் அரசு உயர்த்தியது. மக்களால் வரவேற்கப்படாத இந்த இரண்டு நடவடிக்கைகளும், தேர்தல் இல்லாத சூழ்நிலையில் தி.மு.க ஆட்சியின் பாதுகாப்பான அரசியல் முடிவுகளாக பார்க்கப்பட்டன. இருப்பினும், 2024 மக்களவைத் தேர்தலுக்கு முன்னதாக, பொருளாதார காரணங்கள் இருந்தபோதிலும், மு.க. ஸ்டாலின் அத்தகைய விலை உயர்வுகளை கட்டுப்படுத்த வேண்டிய அழுத்தத்தில் இருக்கிறார்.

தி.மு.க அரசு தேர்தல் வாக்குறுதிகளில் பலவற்றை நிறைவேற்றியுள்ளது. ஆனால், பெண்களுக்கு குடும்பத் தலைவிகளுக்கு மாதம் ரூ. 1,000 ரூபாய் வழங்கப்படும் என்ற முக்கிய உறுதிமொழி இதுவரை நிறைவேற்றப்படாமல் உள்ளது. குறிப்பாக 72-73% பெண் வாக்காளர்கள் தங்கள் வாக்குரிமையை தவறாமல் பயன்படுத்தும் தமிழ்நாடு போன்ற மாநிலத்தில் இந்த உறுதிமொழி முக்கியத்துவம் பெறுகிறது. இல்லத்தரசிகளுக்கான இந்தத் திட்டம் 2023-ம் ஆண்டிலேயே தொடங்கப்படலாம் என்று அரசாங்கத்தின் உயர்மட்ட வட்டாரங்கள் தெரிவிக்கின்றன.

இ.பி.எஸ் vs ஓ.பி.எஸ்

அ.தி.மு.க.வின் உட்கட்சிப் பூசலில் சிக்கி, குறிப்பாக ஓ.பன்னீர்செல்வம் உடனான அவரது நீண்டகாலப் போரில் சிக்கிக் கொண்ட அ.தி.மு.க-வின் இடைக்காலப் பொதுச் செயலாளரும் எதிர்க்கட்சித் தலைவருமான எடப்பாடி பழனிசாமி 2022-ல் எதிர்க்கட்சியின் பணிகளை பெரும்பாலும் கூட்டணிக் கட்சியான பாஜகவிடம் ஒப்படைத்துவிட்டதாகவே தெரிகிறது. இ.பி.எஸ் அ.தி.மு.க-வின் முதன்மைத் தலைவராக தன்னை நிலைநிறுத்திக்கொள்ளும் முயற்சிக்கு இந்த ஆண்டு முக்கியமான ஆண்டாக இருக்கும்.

அ.தி.மு.க முன்னாள் ஒருங்கிணைப்பாளர் ஓ.பி.எஸ் கட்சியில் இருந்து சில மாதங்களுக்கு முன் நீக்கப்பட்டவர். இ.பி.எஸ் தலைமைக்கு தொடர்ந்து சவால் விடுத்து வருகிறார். இ.பி.எஸ்-க்கு பெரும்பாலான மாநில மற்றும் மாவட்ட செயலாளர்களின் ஆதரவு உள்ளது. ஆனால், பா.ஜ.க திட்டத்தின் ஒரு பகுதியாக, அ.தி.மு.க.வின் அணிகளை ஒன்றிணைக்கும் பா.ஜ.க-வின் முயற்சி பா.ஜ.க-வை பாதிப்படையச் செய்கிறது.

மறைந்த ஜெயலலிதாவின் நெருங்கிய தோழி வி.கே. சசிகலா மற்றும் அவரது சகோதரி மகன் டிடிவி தினகரன் மற்றும் ஓ.பிஎஸ் அல்லது மற்ற அதிருப்தி தலைவர்களை மீண்டும் அ.தி.மு.க-வில் இணைக்க அனுமதிக்க மாட்டோம் என்று இ.பி.எஸ் பலமுறை கூறியுள்ள நிலையில், இந்தத் தலைவர்கள் அனைவரும் பா.ஜ.க-வின் உதவியுடன் கட்சிக்குள் தங்களின் மறுப்பிரவேச முயற்சியில் ஈடுபட்டுள்ளனர்.

பா.ஜ.க-வின் மூத்த தலைவர் ஒருவர் தி இந்தியன் எக்ஸ்பிரஸ்ஸிடம் கூறுகையில், “அ.தி.மு.க-வை ஒருங்கிணைக்க காவி கட்சி விரும்புகிறது. அவர்களுடைய உள்பூசல்களில் எங்களுக்கு எந்த தொடர்பும் இல்லை. ஆனால், நாங்கள் எங்கள் விருப்பத்தை டெல்லியில் உள்ள முறையான தொடர்புகள் மூலம் இ.பி.எஸ்-க்கு தெரிவித்துள்ளோம்” என்று அவர் கூறினார்.

2023-ல் யாத்திரை அரசியல்

இந்த புத்தாண்டு பல்வேறு அரசியல் காட்சிகளையும் சந்திக்க உள்ளது. அ.தி.மு.க – தேசிய ஜனநாயகக் கூட்டணியில் அங்கம் வகிக்கும் பா.ம.க தலைவர் அன்புமணி ராமதாஸ், சோழர் கால நீர் பாசன முறையை மீட்டெடுக்கக் கோரி, ஜனவரி மாத துவக்கத்தில், இரண்டு நாள் நடைபயணத்தை தொடங்குகிறார்.

தமிழகத்தில் உள்ள 234 தொகுதிகளிலும் ஒரு யாத்திரை மேற்கொள்ள உள்ளதாக பா.ஜ.க மாநிலத் தலைவர் அண்ணாமலை அறிவித்துள்ளார். தி.மு.க மற்றும் அ.தி.மு.க ஆகிய இரு கட்சிகளும் தங்களது யாத்திரையை வரும் நாட்களில் அறிவிக்க வாய்ப்புள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Tamilnadu news download Indian Express Tamil App.

Web Title: Stalin udhayanidhi rise eps vs ops saga tn politics staus

Best of Express