ஸ்டாலின் அமெரிக்கப் பயணத்தில் தமிழகத்திற்கு தொழில் முதலீடுகள் ஈர்ப்பு: ராகுல் உடன் சமூக ஊடக உரையாடல்

தமிழ்நாடு முதலமைச்சர் மு.க.ஸ்டாலின் முதலீடுகளை ஈர்க்க அமெரிக்கா சென்றுள்ளார். அவரின் அமெரிக்கா பயணத்தின் போது முன்னணி தொழில்நுட்ப நிறுவனங்களான ஆப்பிள், கூகுள் மற்றும் மைக்ரோசாப்ட் ஆகியவற்றின் தலைமை அலுவலகத்தை பார்வையிட்டார். இது ஆசியாவிலேயே தொழில்நுட்பம் மற்றும் உற்பத்திக்கான முன்னணி மையமாக தமிழகத்தை நிலைநிறுத்துவதற்கான தனது பணியில் குறிப்பிடத்தக்க முன்னேற்றத்தைக் குறிக்கிறது.

புதன்கிழமை, அவர் சிகாகோவில் சைக்கிள் ஓட்டும் வீடியோவை சமூக வலைதளங்களில் வெளியிட்டார். இந்த வீடியோவுக்கு பதிலளித்த ராகுல், "சகோதரரே, நாம் எப்போது சென்னையில் ஒன்றாக சைக்கிள் பயணம் செய்யப் போகிறோம் ?

இதற்கு பதிலளித்த ஸ்டாலின், “அன்பு சகோதரர் ராகுல் காந்தி, உங்களுக்கு நேரம்  கிடைக்கும்போது வாருங்கள். சென்னையில் ஒன்றாக சைக்கிள் பயணம் செய்யலாம். நான் இன்னும் உங்களுக்கு இனிப்பு தரவில்லை.  நாம் சைக்கிள் பயணம் செய்யலாம். அதன் பின் என் வீட்டிற்கு வாருங்கள். ஒன்றாக அமர்ந்து சுவையான தென்னிந்திய மதிய உணவு உண்ணலாம்“ என்று கூறியுள்ளார். 

ஸ்டாலினின் அமெரிக்க பயணம் உலகளாவிய தொழில்நுட்ப நிறுவனங்களுடனான சந்திப்புகள் மற்றும் இந்திய-அமெரிக்க சமூகத்திற்கான உணர்ச்சிபூர்வமான தருணங்களை குறிக்கிறது.

ஆசியாவில் ஒரு பெரிய தொழில்துறை மற்றும் தொழில்நுட்ப மையமாக தனது மாநிலத்தின் எதிர்காலத்தைப் பாதுகாப்பதற்கான அவரது பரந்த நோக்கத்தின் ஒரு பகுதியாகும். ஸ்டாலின் கடந்த ஆகஸ்ட் 28ம் தேதி சென்னையில் இருந்து அமெரிக்கா புறப்பட்டார்.

ஆப்பிள், கூகுள் மற்றும் மைக்ரோசாப்ட் ஆகியவற்றின் தலைமை அலுவலகத்திற்கு சென்ற, அனுபவம் "பிரமிக்க வைக்கிறது" என்று ஸ்டாலின்  கூறினார். கூகுள் அலுவலகத்தில், தமிழ்நாடு AI (செயற்கை நுண்ணறிவு) ஆய்வகங்களை நிறுவுவதற்கான புரிந்துணர்வு ஒப்பந்தம் (MoU) கையெழுத்தானது. 

இந்த முயற்சி, ஸ்டார்ட்அப்கள் மற்றும் எம்எஸ்எம்இகளுடன் ஒத்துழைப்பை வளர்ப்பது மட்டுமல்லாமல், தமிழக இளைஞர்களை எதிர்காலத்துக்குத் தயாராகும் தொழிலாளர்களாகத் தயார்படுத்தும் என்றும் ஸ்டாலின் கூறினார்.

ஆப்பிள் நிறுவனம் ஏற்கனவே Foxconn, Pegatron மற்றும் Tata Electronics மூலம் மாநிலத்தில் ஃபோன்கள் மற்றும் பிற தயாரிப்புகளை உற்பத்தி செய்து வரும் நிலையில், Google Pixel ஆனது Foxconn துணை நிறுவனமான Bharat FIH ஆல் தயாரிக்கப்படுகிறது.

மாநில அரசு வட்டார தகவல்படி, கூகுள் நிறுவனத்தின் உயர் அதிகாரிகளுடன் ஸ்டாலின் நடத்திய கலந்துரையாடலில், தமிழ்நாட்டில் உற்பத்தி செய்யப்படும் பிக்சல் 8 போன்களின் உற்பத்தியை விரிவுபடுத்துவது மற்றும் பிற கூகுள் தயாரிப்புகளை மாநிலத்தில் அறிமுகப்படுத்துவது ஆகியவை குறித்து ஆலோசிக்கப்பட்டது. செயற்கை நுண்ணறிவு ஆய்வகங்களின் முக்கியத்துவம், தொழில்துறை சுற்றுச்சூழல் அமைப்பு மற்றும் எதிர்கால வளர்ச்சிக்கான திறன் குறித்தும் ஸ்டாலின் பேசினார்.

ஆங்கிலத்தில் படிக்க:  Stalin’s US visit spurs tech investments in Tamil Nadu – and a social media moment with Rahul Gandhi

ஆப்பிள் நிறுவனத்தில் பேசிய ஸ்டாலின் தமிழகத்தை ஆசியாவின் முக்கிய உற்பத்தி மையமாக மாற்றுவதில் உறுதியாக இருந்தார். தமிழகத்தை உலகளாவிய மின்னணு உற்பத்தி வரைபடத்தில் தமிழகத்தை சேர்த்ததற்காக நிறுவனத்திற்கு நன்றி தெரிவித்த அவர்,மாநிலத்தின் உற்பத்தி சூழலை மேலும் மேம்படுத்த தனது அரசாங்கத்தின் முயற்சிகளை பட்டியலிட்டார்.

ஸ்டாலினின் மைக்ரோசாப்ட் அலுவலகப் பயணத்தின் போது, ​​அவர் லிங்க்ட்இன் தலைமை நிர்வாக அதிகாரியும் மூத்த மைக்ரோசாப்ட் தலைவருமான ரியான் ரோஸ்லான்ஸ்கியை சந்தித்துப் பேசினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“