உதயநிதி ஸ்டாலின் வழக்கை பத்திரிகையாளர்கள் வழக்குகளுடன் ஒப்பிட முடியாது - சுப்ரீம் கோர்ட்

தமிழக அமைச்சர் உதயநிதி ஸ்டாலின், ‘சனாதன தர்மத்தை ஒழிப்போம்’ என்று கூறியதற்காக தன் மீது பதிவு செய்யப்பட்ட பல எஃப்.ஐ.ஆர்.களில் இருந்து நிவாரணம் கோரி, ஊடகவியலாளர்களுடன் தன்னை ஒப்பிட்டுப் பார்க்க முடியாது என்று உச்ச நீதிமன்றம் திங்கள்கிழமை தெரிவித்துள்ளது.

ஆங்கிலத்தில் படிக்க: SC says Udhayanidhi Stalin case cannot be compared to that of journalists on clubbing of FIRs

இந்த வழக்கு விசாரணையின் போது, உதயநிதி ​​ஸ்டாலினின் வழக்கறிஞர், இந்த உரை 30 முதல் 40 பேர் கொண்ட கூட்டத்தில் மட்டுமே உரையாற்றியதால், அரசியல் போருக்கான அழைப்பு விடுப்பது அல்ல என்பது இந்தக் கருத்தைத் தெரிவித்ததன் பின்னணியில் உள்ளதாகக் கூறினார்.

தமிழக இளைஞர் நலன் மற்றும் விளையாட்டுத்துறை அமைச்சரும், நடிகரும், தி.மு.க தலைவரும், முதல்வருமான மு.க.ஸ்டாலினின் மகனுமான உதயநிதி ஸ்டாலினுக்கு, “சட்டச் சிக்கல்கள்” மற்றும் அவரது மனுவைத் திருத்த, நீதிபதிகள் சஞ்சீவ் கண்ணா மற்றும் தீபங்கர் தத்தா ஆகியோர் அடங்கிய அமர்வு அனுமதி அளித்தது. மே 6-ம் தேதி இந்த வழக்கு விசாரணையை பட்டியலிட்டுள்ளது.

உச்ச நீதிமன்ற நீதிபதிகள் அமர்வு கூறுகைகயில், “நீங்கள் தானாக முன்வந்து அறிக்கைகளை வெளியிட்டீர்கள். ஊடகவியலாளர்களை அமைச்சருடன் ஒப்பிட முடியாது. முதலாளிகளின் வழிகாட்டுதல்களைப் பின்பற்றி, டி.ஆர்.பி மற்றும் பிற விஷயங்களைக் கவனிக்க வேண்டிய ஊடகவியலாளர்களின் வழக்குகளை நீங்கள் மேற்கோள் காட்டியுள்ளீர்கள்.” என்று கூறியது. அர்னாப் கோஸ்வாமி, முகமது ஜுபைர் மற்றும் பலர் மீது பதிவு செய்யப்பட்ட எஃப்.ஐ.ஆர்.களை தொகுத்து, உச்ச நீதிமன்றத்தால் விடுவிக்கப்பட்ட வழக்குகளை மேற்கோள் காட்டி, உதயநிதி ஸ்டாலின் தாக்கல் செய்த ரிட் மனுவை விசாரித்த உச்ச நீதிமன்ற இவ்வாறு குறிப்பிட்டது. 

அர்னாப் கோஸ்வாமி, முகமது ஜுபைர் மற்றும் பலர் மீது பதிவு செய்யப்பட்ட எஃப்.ஐ.ஆர்.களை தொகுத்து ஒரு காவல் நிலையத்திற்கு மாற்றுவதன் மூலம் உச்ச நீதிமன்றத்தால் முன்னர் நிவாரணம் வழங்கப்பட்டது குறிப்பிடத் தக்கது.

உதயநிதி ஸ்டாலின் தரப்பில் ஆஜரான மூத்த வழக்கறிஞர் அபிஷேக் சிங்வி, பத்திரிகையாளர்கள் மற்றும் அரசியல்வாதிகள் நுபுர் ஷர்மா உள்ளிட்ட பல வழக்குகளை அவர் மேற்கோள் காட்டினார். அங்கு பல்வேறு மாநிலங்களில் பதிவு செய்யப்பட்ட பல எஃப்.ஐ.ஆர்-களை மாற்றுவதற்கும் கிளப்புவதற்கும் அரசியலமைப்பின் 32வது பிரிவின் கீழ் நீதிமன்றம் ரிட் அதிகார வரம்பைப் பயன்படுத்தியுள்ளது என்று வாதிட்டார்.

முகமது நபிக்கு எதிராக ஆட்சேபனைக்குரிய கருத்துக்களைக் கூறியதாகக் கூறி கட்சியால் இடைநீக்கம் செய்யப்பட்ட முன்னாள் பா.ஜ.க செய்தித் தொடர்பாளர் நுபுர் ஷர்மாவின் வழக்குக்கு பொருந்தும் சட்டம், அவர் ஒரு முழுக்க ஒரு அரசியல்வாதி என்பதால் மனுதாரருக்கும் பொருந்தும் என்று அவர் கூறினார்.

நூபுர் சர்மாவின் வழக்கும் அமைச்சரின் (உதயநிதி ஸ்டாலின்) ஒரே தளத்தில் இல்லை என்று நீதிபதி தத்தா கூறினார்.

குற்றவிசாரணை நடைமுறைச் சட்டத்தின் 406-வது பிரிவின் கீழ் எஃப்.ஐ.ஆர்-களை அனுப்புவதற்கும் மாற்றுவதற்கும் தீர்வு இருக்கும் போது அவர் ஏன் ஆர்டிகல் 32 மனுவைத் தொடர்ந்தார் என்றும் அபிஷேக் மனு சிங்வியிடம் நீதிபதிகள் அமர்வு கேள்வி எழுப்பியது.

“நீங்கள் பாருங்கள், சில சந்தர்ப்பங்களில், விசாரணை மேற்கொள்ளப்பட்டு சம்மன்கள் அனுப்பப்பட்டுள்ளன. ரிட் அதிகார வரம்பிற்கு உட்பட்டு உச்சநீதிமன்றத்தால் நீதித்துறை நடவடிக்கைகளை தொட முடியாது” என்று நீதிபதி தத்தா கூறினார்.

உதயநிதி ஸ்டாலின் தரப்பில் ஆஜரான மூத்த வழக்கறிஞர்கள் அபிஷேக் மனு சிங்வி, பி. வில்சன் மற்றும் சித்தாலே ஆகியோர், ராஜஸ்தானில் தாக்கல் செய்யப்பட்ட எஃப்.ஐ.ஆர்கள்/சம்மன்கள் மற்றும் எஃப்.ஐஆர்களை இணைக்கவும் மாற்றவும் உச்ச நீதிமன்றத்தின் அதிகாரம் குறித்த நீதிமன்றத்தின் வினவல் தொடர்பான சமர்ப்பிப்பு குறிப்பு அடங்கிய தொகுப்பை தாக்கல் செய்ய அவகாசம் கோரினர்.

பெரும்பாலான வழக்குகளில், பிரிவு 406 உச்ச நீதிமன்றத்தால் பயன்படுத்தப்படவில்லை என்று வழக்கறிஞர் சிங்வி சமர்ப்பித்தார்.

நீதிபதி தத்தா, “அப்படியானால், சுஷாந்த் சிங் ராஜ்புத் வழக்கு எப்படி சி.பி.ஐ-க்கு மாற்றப்பட்டது. நான் பம்பாய் உயர்நீதிமன்றத்தில் (உயர்நீதிமன்றத்தின் தலைமை நீதிபதியாக) அவரது மரணம் தொடர்பான மனுக்களை விசாரித்துக் கொண்டிருந்தேன். நீதிபதி ஹிருஷிகேஷ் ராய் தனி நீதிபதி அமர்வு விசாரணையை சி.பி.ஐ-க்கு மாற்ற உத்தரவிட்டார். நடிகர் சுஷாந்த் சிங் ராஜ்புத்தின் தற்கொலைக்கு உடந்தையாக இருந்ததாக நடிகை ரியா சக்ரவர்த்தி மற்றும் பலர் மீது பாட்னாவில் பதிவு செய்யப்பட்ட எஃப்.ஐ.ஆர், சி.பி.ஐ-க்கு மாற்றப்பட்டதை உச்ச நீதிமன்றம் உறுதி செய்த நீதிபதி ராய், ஆகஸ்ட் 19, 2020-ல் பிறப்பித்த உத்தரவை நீதிபதி தத்தா குறிப்பிட்டார்.

34 வயதான சுஷாந்த் சிங் ராஜ்புத், ஜூன் 14, 2020-ல் மும்பையின் புறநகர் பகுதியான பாந்த்ராவில் உள்ள தனது குடியிருப்பில் இறந்து கிடந்தார்.

செப்டம்பர் 2023-ல் ஒரு மாநாட்டில் பேசிய உதயநிதி ஸ்டாலின், சனாதன தர்மம் சமூக நீதி மற்றும் சமத்துவத்திற்கு எதிரானது மற்றும் ஒழிக்கப்பட வேண்டும்” என்று கூறினார். சனாதன தர்மத்தை கொரோனா, மலேரியா, டெங்கு போன்றவற்றுடன் ஒப்பிட்டு, அதை ஒழிக்க வேண்டும் என்றார்.

இந்த மனுவை மார்ச் 4-ம் தேதி விசாரித்த உச்ச நீதிமன்றம், உதயநிதி ஸ்டாலினின் கருத்துக்களுக்கு கண்டனம் தெரிவித்ததுடன், பேச்சு சுதந்திரம் மற்றும் கருத்துரிமையை தவறாகப் பயன்படுத்தியதன் மூலம் அவர் மீது பதிவு செய்யப்பட்ட எஃப்.ஐ.ஆர்.களை ஒன்றாக இணைக்க ஏன் நீதிமன்றத்தை நாடினார் என்று கேட்டது.

உதயநிதி ஸ்டாலினிடம் உச்ச நீதிமன்றம் கூறியது: அமைச்சராக இருக்கும் அவர் தனது அறிக்கைகளில் கவனமாக இருக்க வேண்டும் என்றும், அதனால் ஏற்படக்கூடிய விளைவுகளை கவனத்தில் கொள்ள வேண்டும் என்றும் கூறியிருந்தது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“