Tamil News : அதிமுக பொதுக்குழு தீர்மானங்களை எதிர்த்த ஓபிஎஸ் தரப்பு மேல்முறையீட்டு வழக்கு இன்று விசாரணை

சென்னை மண்ணடியில் பீகாரை சேர்ந்த 20க்கும் மேற்பட்ட குழந்தை தொழிலாளர்கள் மீட்க்கப்பட்டுள்ளனர். மண்ணடி மலையப்பன் தெருவில் உள்ள பை தைக்கும் குடோனில் குழந்தை தொழிலாளர்கள் மீட்க்கப்பட்டனர். மீட்கப்பட்ட அனைவரும் 10 முதல் 14 வயதுக்கு உட்பட்டவர்கள் என தெரியவந்துள்ளது.

அதிமுக பொதுச் செயலாளராக எடப்பாடி பழனிச்சாமியை அங்கீகரித்தது தேர்தல் ஆணையம். கர்நாடக சட்டமன்றத் தேர்தலில் இரட்டை இலை சின்னத்தை எடப்பாடி பழனிச்சாமி தரப்பிற்கு வழங்க தேர்தல் ஆணையம் உத்தரவு பிறப்பித்துள்ளது.

சின்னத்திரை நடிகை திவ்யாவை தாக்கி கொடுமைப்படுத்தியதாக நடிகர் அர்ணவ் மீது பதிவு செய்யப்பட்ட வழக்கை ரத்து செய்ய மறுப்பு தெரிவிக்கப்பட்டுள்ளது. வழக்கை ரத்து செய்ய கோரிய அர்ணவின் மனுவை தள்ளுபடி செய்து சென்னை உயர்நீதிமன்றம் உத்தரவு பிறப்பித்துள்ளது.

மறைந்த முன்னாள் பிரதமர் வி.பி.சிங் அவர்களுக்கு இந்த திராவிட மாடல் அரசு, மரியாதை செய்யும் மகத்தான அறிவிப்பை வழங்குகிறேன் என முதலமைச்சர் மு.க.ஸ்டாலின் விதி எண் 110ன் கீழ் அறிவித்துள்ளார்.

“சென்னை விமான நிலையத்தின் உள்நாட்டு முனையத்திற்கு பெருந்தலைவர் காமராசர் பெயரையும், பன்னாட்டு முனையத்திற்கு பேரறிஞர் அண்ணாவின் பெயரையும் சூட்டிய ஒப்பற்ற தலைவர் வி.பி.சிங். சமூக நீதிக்காவலர் வி.பி.சிங் அளித்த ஊக்கத்தின் உற்சாகத்தின் காரணமாகத்தான் சமூக நீதிப்பார்வையில், சமூக நீதிப்பயணத்தில் கொஞ்சமும் சலனமும், சமரசமும் இல்லாமல் இந்த அரசு செயல்பட்டு வருகிறது.

சமூக நீதிக் காலவர் முன்னாள் பிரதமர் வி.பி.சிங் நினைவை போற்றும் வகையில் சென்னையில் அவருக்கு முழு உருவ சிலை அமைக்கப்படும்.” என்று சட்டப்பேரவையில் முதலமைச்சர் மு.க.ஸ்டாலின் அறிவித்துள்ளார்.